Otandyq kásipkerler Almaty oblysynyń ákimdigine quny 100 mln teńgeden asatyn medısınalyq qorǵanys zattaryn syıǵa tartty.
«Universal Energy (Qazaqstan)» kompanııasy bastaǵan gýmanıtarlyq kómek aksııasyna Asqar Alshynbaev, Evgenıı Feld, Nurjan Bekshenov, Esenǵalı Báımenov jáne Raıymbek Batalov sııaqty belgili mesanattar úles qosqan eken. Búgin Covid-19 ınfeksııasymen kúrestiń aldyńǵy sapynda júrgen Almaty oblysynyń medısınalyq jáne basqa da uıymdaryna gýmanıtarlyq kómek júgi jetkizildi .
Jalpy quny 100 mıllıon teńgeden asatyn júk quramynda kóp ret paıdalanatyn Dupont kostıýmderi, ınfraqyzyl termometrler, maskalar, respıratorlar, qorǵanys kózildirikteri bar. Qytaıdan satyp alynǵan zattar Qazaqstanǵa arnaıy reıspen ákelingen. Bul qorǵanys quraldary indetpen kúres sharalaryna tartylǵan medısınalyq jáne basqa da uıymdarǵa bólip berý úshin oblys ákimdigine tapsyryldy. Barlyq medısınalyq buıymdar men amýnısııa qytaılyq jáne eýropalyq kásiporyndarda óndirilgen, eýropalyq sapa sertıfıkattaryna ıe.
- Biz qysyltaıań shaqta logıstıkalyq qıyndyqty eńserýge kómek bergen elimizdiń Syrtqy ister mınıstrligine, Qytaıdaǵy Qazaqstannyń elshiligine alǵys aıtamyz. Bul zamanaýı jeke qorǵaný quraldary bizdiń medısına mamandaryna koronavırýspen kúreste úlken kómek bolady dep senemiz, - deıdi «Universal Energy» (Qazaqstan) kompanııasy quryltaıshylary biri, belgili kásipker Bolat Ábilov.
Al gýmanıtarlyq kómekti qabyldap alǵan oblys ákiminiń orynbasary Serik Turdalıev kásipkerlerge rızashylyǵyn jetkizdi.