Jalpy, Jambyl oblysynda koronavırýs ınfeksııasynyń aldyn alý maqsatynda zalalsyzdandyrý jumystaryna jaýapty retinde «Halyqtyń densaýlyq ortalyǵy» jaýapkershiligi shekteýli seriktestigi, sonymen qatar, «Radıologııalyq baqylaý ortalyǵy» jaýapkershiligi shekteýli seriktestigi, «Ulttyq saraptama ortalyǵy» respýblıkalyq memlekettik kásiporny jáne «Taraz-dezınfeksııa» jaýapkershiligi shekteýli seriktestigi mekemeleri qarastyrylǵan.
Osy oraıda, qaýipti indettiń aldyn alý maqsatynda búgin atalǵan mekemeler Taraz qalasyndaǵy ortalyq «Nursultan Nazarbaev» alańyna jınalyp, ózderine bekitilgen baǵyttar boıynsha qaladaǵy 11 aýmaqtyq okrýgterde zalalsyzdandyrý jumystaryn júrgizdi. Negizinen zalalsyzdandyrý jumystaryna qaladaǵy kósheniń boıyndaǵy nysandar, kópqabatty turǵyn úıler, aýlalar, saıabaqtar, aıaldamalar men jaıaý júrginshiler joly qamtylǵan.
Taraz qalalyq ákimdiginiń uıymdastyrýymen bastaý alǵan búgingi zalalsyzdandyrý jumystaryna 40-tan astam qyzmetkerler, 200-ge jýyq áskerı azamattar jáne 20-ǵa jýyq tehnıka jumyldyrylǵan. Sondaı-aq, atalǵan jumystarǵa 22 tonna dezınfeksııa suıyqtyǵy jumsaldy.
Jambyl oblysy