Premer-Mınıstr Asqar Mamınniń tóraǵalyǵymen ótken Ekonomıkany jańǵyrtý jónindegi memlekettik komıssııa otyrysynda júıe qurýshy kásiporyndaryn memlekettik qoldaý sharalary qaraldy. Bul týraly Premer-Mınıstrdiń baspasóz qyzmeti habarlady.
Ulttyq ekonomıka mınıstri R. Dálenov júıe qurýshy kásiporyndardyń tıisti tiziliminiń jobasyn tanystyrdy.
Tizimge qurylys, kólik, energetıka, saýda, jyljymaıtyn múlikti jalǵa alý, taý-ken óndirisi jáne óńdeý ónerkásibi salalaryndaǵy 361 kásiporyn endi.
Memlekettik qoldaý sharalary retinde nesıeler boıynsha memlekettik kepildikterdi usyný, jeńildikti ótimdilikke qol jetkizý, salyq tóleýdi keıinge qaldyrý, QQS qaıtarý prosesin jeńildetý ári jedeldetý, barlyq ruqsat berý qujattary men memlekettik qyzmetterdi usynýdy jedeldetý qarastyrylady.
Júıe qurýshy kásiporyndardyń yńǵaılaspa mindetteri jalaqy tólenetin jumys oryndaryn saqtaý, otandyq óndirýshilerdiń taýarlary men kórsetiletin qyzmetterin satyp alý (bolǵan jaǵdaıda), qoldanystaǵy kelisimsharttar aıasynda ýaqytyly tólemderdi qamtamasyz etý, aqparatty ashý, 2019-2020 jyldar úshin top-menedjmentke dıvıdendtik tólemder men bonýstardy alyp tastaý bolady.
Sonymen qatar, otyrysqa qatysýshylar salyq jeńildikterin, artyqshylyqtaryn jáne azamattyq avıasııa sýbektilerin memlekettik qoldaýdyń basqa da sharalaryn, aýyl sharýashylyǵy men mashına jasaý salalaryndaǵy iri kásiporyndardyń operasııalyq qyzmetiniń qazirgi máselelerin jáne t. b. qarastyrdy.