Jıyrma jyldan beri qujat ala almaǵan

Budan 20 jyl buryn Aqtóbe je­rine kelip, ony turaqty qonys etken oralman Shernııaz Shýmaqaı degen azamat áli kúnge deıin Qazaqstannyń azamattyǵyn ala almaı júrgen kó­rinedi. Bul týraly «Jetinshi arna­nyń» tilshisi habarlady.

Tilshiniń baıandaýynsha, bul kisi bizdiń táýelsizdigimizdiń alǵashqy eleń-alańynda, ótken ǵasyrdyń ba­synda Mońǵolııadan kóship kel­gen eken.

Budan 20 jyl buryn Aqtóbe je­rine kelip, ony turaqty qonys etken oralman Shernııaz Shýmaqaı degen azamat áli kúnge deıin Qazaqstannyń azamattyǵyn ala almaı júrgen kó­rinedi. Bul týraly «Jetinshi arna­nyń» tilshisi habarlady.Tilshiniń baıandaýynsha, bul kisi bizdiń táýelsizdigimizdiń alǵashqy eleń-alańynda, ótken ǵasyrdyń ba­synda Mońǵolııadan kóship kel­gen eken.Tarıhı otanynyń azat aımaq, egemen el bolǵanyna qat­ty qýanǵannan birden attyń basyn osylaı qaraı buryp júre ber­gen ǵoı. Biraq respýblıkaǵa kel­gen ýaqytynyń ózi bizdiń táýel­siz­digimizdiń qurdasy derlik jylǵa tolǵansha, azamattyq mártebesi buıyrmaı qoıypty.

Bir qyzyǵy, Shernııazdyń týǵan-týystarynyń bári áldeqashan mun­daı qujattarǵa qol jetkizgen eken. «Úshinshi terezege baryp edim, qujat­tarymnyń kóshirmesin surady. Sony almaqshy bolyp, Aqtóbege kelsem, Áıteke bı aýdanyna jumsaıdy, onda barsam, qaıtara oblys ortalyǵyn meń­zeı­di. Eki ortada shapqylaýmen júrgenimde kóp ýaqyt ótip ketti. Eń qıy­ny, eshkim eshnárseni kesip aıtpaıdy. Budan ári ne bolaryn bilmeımin», deıdi oralmannyń ózi.

Sergeldeńge túsken Shýmaqaı qujattary joqtyǵynan tartyp júrgen azap­tary da az emes ekenin aıtady. «Poıyzǵa minsem, keıde jarym jolda, jarym túnde túsirip tastaıdy, jumys surap barsam, eshkim mańyna jolatpaıdy», deıdi ol.

«Apam da ań-tań, men de ań-tań» degendeı, mundaıdyń bolatynyn birinshi ret bilip, biz de qatty qaıran qalyp otyrmyz.

Qurysh NURYMBET.