nemese qaǵazdan, qanttan, japyraqtan ǵajaıyp óner týdyrǵan kórshiler
Úırenemin degen janǵa jer betinde kásiptiń túri kóp. Al sol ónerdi jetildirip, onyń has sheberine aınalǵan jandardyń tirligine tánti etken erekshe kórme ótti Almatyda. Shyndap kelgende, bul kórmege kezdeısoq tap keldik desek te bolady. Kelýshilerge kórsetilgen óner týyndylary kóz aldymyzda jasalyp jatty. Eń qyzyǵy, bul eksponattardy ustap, tistep, tipti jep qoıýǵa da bolady. Joqtan bar jasap otyrǵan osy istiń maıtalmandary Qytaıdyń Chýnsın degen qalasynan kelipti.
nemese qaǵazdan, qanttan, japyraqtan ǵajaıyp óner týdyrǵan kórshiler
Úırenemin degen janǵa jer betinde kásiptiń túri kóp. Al sol ónerdi jetildirip, onyń has sheberine aınalǵan jandardyń tirligine tánti etken erekshe kórme ótti Almatyda. Shyndap kelgende, bul kórmege kezdeısoq tap keldik desek te bolady. Kelýshilerge kórsetilgen óner týyndylary kóz aldymyzda jasalyp jatty. Eń qyzyǵy, bul eksponattardy ustap, tistep, tipti jep qoıýǵa da bolady. Joqtan bar jasap otyrǵan osy istiń maıtalmandary Qytaıdyń Chýnsın degen qalasynan kelipti.
Eki kún boıy almatylyqtardy rızashylyq sezimine bólegen kórme «Attanatyn beket: «Jańa Jibek joly» dep atalady. Sonymen, Chýnsın – Sınszıan – Eýropa halyqaralyq temir jol dálizi boıymen kele jatqan mádenı shara – endigi Jibek joly arqyly Qytaımen tanystyrýdy murat tutady. Bir jaǵynan «Qytaımen tanystyrý» degen jalpylama ataýǵa ıe sharalardyń legin Qytaı Halyq Respýblıkasynyń shetelderdegi Memlekettik keńesiniń Keńsesi júrgizip jatqan jaıy bar. Sonaý 1999 jyldan beri mundaı kórmeler men basqa da mádenı salalardyń ǵajaıyp muralaryn arqalaǵan barys-kelister Fransııa, Shveısarııa, AQSh, Túrkııa, Reseı, Ońtústik Amerıka sııaqty kóptegen elderde kezegimen júzege asyp keledi. Atqarylǵan sharalar osy elderde de úlken qoshemetke ıe bolyp, úkimetter, BAQ ókilderi men tıisti uıymdar tarapynan joǵary baǵa alǵan. Osylaısha, atalmysh shara Qytaı mádenıetin álemge tanytatyn negizgi brendke aınalǵan.
Aıtqandaı, Qazaqstan men Qytaıdy Eýropaǵa jalǵaıtyn «Chýnsın – Sınszıan –Eýropa» temir jol dálizi 2011 jyly resmı túrde qozǵalysqa kirisip, onyń qurylysyna 6 birdeı memleket atsalysqanyn aıtýǵa bolady. «Úshinshi eýrazııalyq qurlyqtyq kópir» deıtin de ataýy bar bul jobanyń strategııalyq mańyzdy joba ekendigin umytpaý kerek. Chýnsınnen bastap Qazaqstan, Reseı, Belorýssııany basyp ótip, Polsha arqyly nemisterdiń Dıýsseldorf qalasyna jetip jyǵylatyn temir joldy jolaýshylary 11 179 shaqyrymdy artqa tastap 16 táýlikte júrip ótedi. Al bul teńiz kóligine qaraǵanda 30 kúnge jyldam ári bes ese arzan.
Al endi osy temir jol alyp kelgen ǵajaıyp kórmege oralsaq, kózimiz ınedeı qylqalammen basyn kótermeı japyraqqa sýret salyp jatqan chýnsındik Chjoý Mınchýn atty qytaı azamatyna tústi. Onyń qolyndaǵy japyraq márli sııaqty appaq ári arǵy jaǵynan Kún kórinedi. Bizdińshe, fıkýstyń japyraǵy sııaqty, oǵan sýret salatyn qylqalam sheberi aldymen asa sapaly japyraqty arnaıy eritindige salyp, ylǵaly men jumsaǵyn ketirip, tek tinderi qalǵansha óńdeıdi. О́zderi biletin ádispen ony taǵy da matadaı jumsaq etip, oǵan qalaǵan beıneni arnaýly boıaýlarmen órnekteı bastaıdy. Bul da ónerdiń jańa túri. Alaqandaı japyraqta ǵajaıyp taýys qusy men Qytaı pandasynan bastap Uly Qytaı qorǵanyna deıin beınelengen. Dál osy keremet, qaıtalanbas týyndylary úshin Chjoý Mınchýn otandyq qylqalam sheberleriniń baıqaýlarynda kózge túsip, dızaınerlik daryny úshin marapattalyp keledi.
Sol sııaqty, kádimgi qaǵazdy qaıshymen qıdalap otyryp-aq, qolyńyzǵa tamasha órnekti, bútin bir taqyrypty ustata salatyn Iаnlın hanymnyń sheberligine rııasyz qoshemet kórsete bastaısyń. О́z eli Iаnı dep erkeletetin han ultynyń sulýy oıý salý ónerin túpsiz meńgergeni sonshalyq, eshkimniń qııalyna kirmegen dúnıelerdi qaǵazdan oıyp beredi. Mundaı ónerdi áýletinen muraǵa alǵan Iаslınniń týyndylary «Iаnıdiń qaǵaz qıyndylary» degen saýda belgisine ıe, óziniń stýdııasy bar sheber Chýnsınde shákirtterin osy ónerge baýlyp qana qoımaı, Qytaıdy qolynyń eptiligimen álemge nasıhattap júrgen ismer eken.
Qytaıdyń tanymal kesteshisi Hýaımın bıkeshtiń aılap, jyldap tikken kestelerin tamashalaı otyryp, kádimgi ıl