Búgin Polshanyń astanasy – Varshava qalasynda aýyr atletıkadan álem chempıonaty bastalady. Bul jahandyq dodada elimizdiń erler jáne áıelder quramalary da medaldardy sarapqa salady.
Qazaqstan bas komandasynyń Alekseı Nı men Enver Túrkelerı bastaǵan jattyqtyrýshylar alqasy baıraqty básekede kúsh synasatyn atletterdi iriktep alyp, burnaǵy kúni polıak jerine attandy. Erler quramasy sapyn bul joly Arlı Chonteı, Tımýr Hasarov (56 kg), Albert Lınder (69 kg), Almas О́teshov, Vladımır Sedov (94 kg), Sergeı Istomın (105 kg), Ibragım Bersanov, Selımhan Abýbakırov (+105 kg) syndy tarlandar qurady. Al Eskendir Momynbekov 105 kıloǵa deıingi salmaqqa rezerv retinde alyndy. Áıelder úzdik tobyna Galına Mamotova (48 kg), Margarıta Elıseeva (53 kg), Sáýle Sadýaqasova (58 kg), Karına Gorıcheva, Krıstına Krahalova (63 kg), Jazıra Japparqul (69 kg) jáne Marııa Grabaveskaıa (+75) endi. Sondaı-aq, Anastasııa Halıkova men Gúlnaz Naýryzovanyń biri 69 kıloǵa deıingi salmaqta rezervke qoıylady.
Rýslan IGILIK.