Bul týraly Memleket basshysy Qasym-Jomart Toqaev «Egemen Qazaqstan» gazetine bergen «Elimiz bul qıyndyqtan shyńdalyp shyǵady» atty suhbatynda aıtty.
«Erekshe atap óter jaıt, karantın kezinde azamattarymyz oqshaýlanýǵa tez beıimdeldi. Kóptegen kásiporyndar men mekemeler qyzmetkerlerin qashyqtan jumys isteýge kóshirdi. Qoǵamnyń jańa úrdisterge daıyn ekenin osydan-aq ańǵarýǵa bolady», - dedi Prezıdent.
Memleket basshysynyń aıtýynsha, kez-kelgen daǵdarys tyń bastamalardy týyndatady.
«Jalpy, Qazaqstannyń strategııalyq baǵyt-baǵdary aıqyn. Elbasy bul másele jóninde Qaýipsizdik keńesiniń otyrysynda naqty atap kórsetti. Kez-kelgen daǵdarys tyń bastamalardy týyndatady. Árıne, osy kezeńnen sabaq alyp, osal tustarymyzdy jetildirýimiz kerek. Eger indet órship ketpese, 11 mamyrda tótenshe jaǵdaı rejimi aıaqtalady», - dedi Prezıdent.