Eldiń eldigi de, ult bolyp uıysýy da qınalǵan sátte bilinedi. Atyraýlyqtar Maqtaaraldaǵy sý tasqynynan zardap shekkenderge gýmanıtarlyq kómek jóneltti.
О́ńirlik kommýnıkasııalar qyzmetiniń málimetine súıensek, turǵyndardan 150 tonna azyq-túlik pen kıim-keshek, gıgıenalyq zattar jınalypty. Bul gýmanıtarlyq kómek arnaıy bólingen 6 júk, 20 «Gazel» kóligimen Maqtaaraldaǵy aǵaıynǵa jetkiziledi. Qazir avtokerýen jolda ketip barady.
«Eki táýlik shamasynda atyraýlyq aǵaıynnyń amanatyn Maqtaaralǵa jetkizemiz. Sonymen qatar, Atyraý qalasynyń turǵyndarynan bólek, munaıly óńirge qarasty 7 aýdannyń jastary jınaǵan 15 mıllıon teńge Maqtaaral aýdanynyń halqyna beriledi. Talaı qıyndyqty halqymyz birliktiń arqasynda jeńgen. Bul synaqty da birge ótkeremiz. Biz birgemiz» -deıdi uıymdastyrýshyladyń biri Nurǵısa Izbasarov.
Sondaı-aq, Atyraý oblysy ákimdiginiń qoldaýymen Maqtaaralǵa kómek kórsetý arnaıy qor ashyldy.