Kenshiler astanasyndaǵy «Máńgilik alaý» jaýyngerlik dańq memorıaldyq kesheni Uly Otan soǵysyna qatysqan Keńester Odaǵy Batyrlarynyń esimderi jazylǵan taǵy da 14 taqta belgisimen tolyqty.
Batyrlar alleıasynda alǵashqy taqtalar ótken ǵasyrdyń 80-shi jyldary ornatylǵan bolatyn. Ol kezde Qaraǵandy oblysynan shyqqan Keńester Odaǵynyń 20 batyrynyń ǵana esimi tasqa qashylypty. Endi, bul iske túzetý engizilip, Uly Jeńistiń 75 jyldyǵyna oraı «Máńgilik alaýdyń» jaýyngerlik dańq memorıaldyq ansambline birikken Qaraǵandy jáne Jezqazǵan oblystarynyń barlyq batyrlarynyń esimderi qola taqtalarǵa tolyq etip jazyldy.
Jańa eskertkish tuǵyrlar buryn ornatylǵan granıt tastarǵa uqsas etip istelingen. Olardy Sýretshiler odaǵy oblystyq fılıalynyń sheberleri eki aıdyń ishinde jasap shyǵarǵan.
Jalpy, Uly Otan soǵysyna Qaraǵandy oblysynan barlyǵy 45 myńǵa jýyq adam attanypty. Maıdan dalasynda sonyń 18 myńy qaza tapqan. Al búgingi kúnde oblysta Uly Otan soǵysynyń 64 ardageri amandyqta-saýlyqta turyp jatyr.