Qurlyqtyq hokkeı lıgasy (QHL) koronavırýs pandemııasyna baılanysty 2019/20 maýsymdy merziminen buryn aıaqtaýǵa májbúr bolǵan soń, bıyl QHL-diń jáne Gagarın kýbogynyń jeńimpazy anyqtalmaıtynyn málimdedi.
Gagarın kýbogynyń ekinshi kezeńine «Ak Bars», «Barys», «Sıbır», «Salavat Iýlaev», SSKA, SKA, «Dınamo» jáne «Iokerıt» komandalary shyqqan bolatyn. Osylaısha, atalǵan 8 komanda rettik sany boıynsha 1-8 oryndardy ózara bólisken. Sondaı-aq QHL-diń týrnır kestesi boıynsha qalǵan komandalar 9-24 orynǵa jaıǵasqan.
Aıta keteıik, QHL karantın ýaqytynda jankúıerler arasynda Gagarın kýbogynyń vırtýaldy jarysyn ótkizgen bolatyn. Bul synda jankúıerlerdiń erekshe yqylasyna ıe bolǵan Ýfanyń «Salavat Iýlaev» komandasy top jardy. Al «Barys» klýby onlaın básekeniń ekinshi kezeńde «Sıbır» komandasynan 4:0 esebimen jeńilip qaldy. Jalpy elorda komandasy QHL-dyń bıylǵy maýsymynda «Shyǵys» konferensııasynda ekinshi, Chernyshev dıvızıonynda birinshi oryn ıelendi. Lıgada asa joǵary tórtinshi orynnan kórindi.