Jebemegen jetim menen jesirdi,
О́leńshiler aıaspasqa bekindi.
Júrip ótken ıir-qıyr joldarym,
Meniń názik ǵumyrnamam sekildi.
Qasymhan BEGMANOV.
О́LEŃ
Jebemegen jetim menen jesirdi,
О́leńshiler aıaspasqa bekindi.
Júrip ótken ıir-qıyr joldarym,
Meniń názik ǵumyrnamam sekildi.
Janyna erip armany asqaq jandardyń,
Gavanada teńiz muńyn ańǵardym.
Úrimshide úr qyzyna ǵashyq bop,
Ystambuldyń kóshesinde sandaldym.
Muńdarymdy túsin, gúlim, kesh, gúlim,
Jazyqsyzdan jaman sózder estidim.
Qara jolda jalǵyz kele jatyp men,
Seni esime ap, eldi esime ap, óksidim.
Jyldar mynaý únsiz-tilsiz jylysqan,
Mektepte men qutylmadym buryshtan.
«Eń bolmasa dán septirip, jún jınar,
Brıgadır bolmadyń», – dep urysqan.
Qaıran ákem, zilsiz ǵana zekigen,
Keshe seni ókpeletip ketip em.
Qara óleńdeı qadirli dos tappadym,
Bári jalǵan...
bári ótkinshi, ókinem.
BIZDIŃ AÝYL
Ana ózekke joǵalady saı baryp,
Qasqyrlary kókke qarap ulyǵan.
Baılyǵy úshin kisendelip, aıdalyp,
Myrzalary ıtjekkenge quryǵan.
Bizdiń aýyl tarıhy bar qatparly,
Iаsaýıdiń kók kúmbezi kóringen.
Itjekkennen kelgen hattar saqtaldy,
Aınaldym men qasiretti elimnen.
Babaıqorǵan Maıdamtalǵa ulasqan,
Anaý jatyr ata-baba kezeńi.
Teńbil-teńbil bultty aspan, bir aspan,
Aǵyp jatyr Qarashyqtyń ózeni.
Qasıetti asyl sezim baýyr bul,
Bir-birine ǵaıbat sózder aıtpaǵan.
Bizdiń aýyl qasiretti aýyl bul,
Myrzalary ıtjekkennen qaıtpaǵan.
«Altyn aımaq»...
aıtpaǵan ǵoı dep beker,
Saǵynǵanda elge ketkim keledi.
Sen aman bol, talaı urpaq kep-keter,
Muńly-muńly án men jyrdyń mekeni.
NÚKTE
Netken qaıǵy, netken muń,
Jan júıkemdi júndeı tútken ótken kún.
Baıaǵyda osy aýyldan muńaıyp,
Elden jyraq qaıǵy arqalap ketkenmin.
О́zimdi izdep ketpesime boldy ma,
Qý kókirek sherge qaıta toldy ma.
Maǵan taǵy ne der eken tyńdaıyn,
Meni alysqa alyp ketken jol myna.
Sol baıaǵy on altynshy kóktemniń,
Sulýlyǵyn jalǵyz izdep ketkenmin.
Seni keıde saǵynamyn esime ap,
Jan júıkemdi júndeı tútken ótken kún.
Áli eshkimge aıtqan joqpyn syrdy bul,
Kóz aldymda turdy kóktem, turdy gúl.
Qara túnde oıanyp ap uıqymnan,
О́zińdi oılap otyramyn muńly qyr.
Syryn uǵam dep ketip em ǵalamnyń,
Men de bálkim muńly jyr bop qalarmyn.
Jalǵyz turmyn, azynaıdy sýyq jel,
Molasynda meniń ǵazız anamnyń.
Aıta almadym oralmaımyn, kútpe dep,
О́kpe-nala kókiregimde túk te joq.
Meni ósirgen qaıran aýyl artymda,
Kóz ushynda qala berdi-aý núkte bop.
TILEK
Ǵashyq bop turǵan ózińe úzile jalǵan,
Saǵynar keıin sonda men kúzime barǵam.
Aspannan aǵyp qos juldyz qulaǵan edi-aý,
Kózińniń jasy sekildi júzime tamǵan.
Kóz jasyń monshaq sekildi tizile qalǵan,
Tamshydaı tamǵan tyrsyldap
júzime taldan.
Dúnıe-aı,
sol sát ún-túnsiz dál mendeı bolyp,
Ǵashyq bop turdy ózińe úzile jalǵan.
Bir-birin qııar qaıǵyly sheshimge barǵan,
Osyndaı muńly, týǵan jer,
tósińde bar ma án?
Joǵaltqan sonaý aıaýlym máńgige seni,
Qos juldyz aqqan kúzgi tún esimde qalǵan.
Tyrnalar keıin tústikke tizilip ushty,
Bala aqyn turdy sýretke qyzyǵyp kúshti.
Darıǵa-aı, sol bir kúzgi tún túsime kirip,
Bir tamshy meniń kózimnen úzilip tústi.
Bizderdi bóle almaıdy ara qashyqtar,
Saǵynyshymdy qara jel, ala qashyp bar.
Juldyzdar aqqan túnderde qydyrmańdarshy,
Yrymǵa jaman eken ol bala ǵashyqtar...
* * *
Nege alystap kettińder sol bir jyldar-aı,
Júregimnen tógilgen jańbyr jyrlar-aı.
Kózimdi ilmesten armandap birge,
Tań atqansha shertilgen móldir syrlar-aı.
Aspanda aı qalqyǵan qara túnder-aı,
On altymda jınaǵan dala gúlderi-aı.
Júregime jasyrǵan saǵynyshym-aı,
Oralmaıt