20 qyrkúıekte Aqordada Memlekettik hatshy M.Tájınniń tóraǵalyǵymen «Qazaqstan-2050» Strategııasy aıasyndaǵy memlekettik organdardyń ǵylymı-saraptamalyq jumystarynyń jáne Qazaqstan halqy Assambleıasynyń Ǵylymı-sarapshylyq keńesiniń jańa mindetteri» kún tártibi boıynsha QHA Ǵylymı-sarapshylyq keńesiniń keńeıtilgen otyrysy ótken bolatyn.
20 qyrkúıekte Aqordada Memlekettik hatshy M.Tájınniń tóraǵalyǵymen «Qazaqstan-2050» Strategııasy aıasyndaǵy memlekettik organdardyń ǵylymı-saraptamalyq jumystarynyń jáne Qazaqstan halqy Assambleıasynyń Ǵylymı-sarapshylyq keńesiniń jańa mindetteri» kún tártibi boıynsha QHA Ǵylymı-sarapshylyq keńesiniń keńeıtilgen otyrysy ótken bolatyn.
Osydan shamaly ýaqyt buryn ǵana Astanadaǵy Beıbitshilik jáne kelisim saraıynda Qazaqstan Respýblıkasynyń Prezıdenti, Qazaqstan halqy Assambleıasynyń Tóraǵasy Nursultan Nazarbaevtyń tóraǵalyǵymen «Qazaqstan-2050» Strategııasy: bir halyq – bir el – bir taǵdyr» kún tártibimen Qazaqstan halqy Assambleıasynyń HH sessııasy ótkeni esimizde. Onda Elbasy «Qasıetti qazaq jerin tatýlyqtyń tól ıesi dep beıbitshilikke bólegen Qazaqstan halqy Assambleıasy bıyl kámeletke toldy. El táýelsizdiginiń eń jaýapty kezeńinde birligimizdiń bastaýy bolyp, qolymyzben qurǵan Assambleıanyń ómirge kelgenine on segiz jyl boldy. Osy aralyqta ol óziniń ómirsheńdigin kórsetip, bizdiń beıbit qoǵamnyń ajyramas bóligine aınaldy. Eldiktiń ólshemi, turaqtylyqtyń tutqasy bola aldy», – dep tujyrymdaǵan edi.
Tarıhqa sheginsek, Assambleıa qurý ıdeıasyn Memleket basshysy Nursultan Nazarbaev alǵash ret 1992 jyly Táýelsizdiktiń bir jyldyǵyna arnalǵan Qazaqstan halqynyń birinshi forýmynda jarııalaǵan bolatyn. Mundaı ınstıtýtty qurý qajettiligi saıası turǵydan, sondaı-aq jańadan qurylǵan, táýelsiz, polıetnosty, polıkonfessııaly memlekettiń turaqty damýy turǵysynan týyndaǵan edi. Atalǵan bastama mádenıetaralyq únqatysýdy nyǵaıtýdyń jańa kezeńiniń negizin qalap, etnosaralyq qatynastardy damytý máselelerin joǵary deń-geıde sheshýge múmkindik jasaıtyn álemdik tájirıbedegi tyń baǵyt bolyp tabyldy. Osy ýaqytqa deıin Assambleıa birneshe damý satysynan ótip, birqatar ózgeristi bastan keshirdi. Onyń damýy barysynda elimizde etnosaralyq toleranttylyq jáne qoǵamdyq kelisimniń qazaqstandyq úlgisi qalyptasty. Osy jyldar ishinde Qazaqstan halqy Assambleıasynyń ınstıtýttyq qurylymy nyǵaıyp, qoǵamdy uıystyrýshy áleýeti tolysty, ol halyq dıplomatııasynyń mańyzdy kúretamyryna aınaldy. Búginde Assambleıa el Prezıdenti tóraǵalyq etetin konstıtýsııalyq organ bolyp tabylady. Bul onyń erekshe mártebesin aıqyndaıdy.
Al Qazaqstan halqy Assambleıasy Ǵylymı-sarapshylyq keńesi jaıly sóz qozǵasaq, bul uıym elimizdegi etnosaralyq qatynastar salasy men memlekettik saıasatty tıimdi júzege asyrýda ǵylymı negizdelgen baǵyttar men sheshimderdi aıqyndaýdy talap etken qoǵamdyq suranysty qamtamasyz etý maqsatynda 2009 jyly quramyna 25 doktor, 11 ǵylym kandıdaty, 6 qoǵam qaıratkeri engen qurylym retinde dúnıege kelgen bolatyn. Sonymen qatar, oblystarda, Astana jáne Almaty qalalarynda da ǵylymı-sarapshylyq toptar jumys isteýde. Olardyń qataryna qazirde qoǵam qaıratkerleri, etnosaralyq jáne konfessııaaralyq qatynastar máselesimen aınalysatyn memlekettik qyzmetshiler, etnomádenı birlestikterdiń jetekshileri jáne joǵary oqý oryndarynyń ókilderi bar jalpy sany 200-deı adam tartylǵan.
QHA Ǵylymı-sarapshylyq keńesiniń negizgi mindetine elimizdegi etnosaıası, áleýmettik-ekonomıkalyq jáne konfessııalyq damý úderisterge keshendi saraptama jasaý, atalǵan úderisterdiń eldegi jáne álemdegi damýyna boljam jasaý, memlekettik etnosaıasattyń ózekti baǵyttary boıynsha ǵylymı saraptamalyq jumystar júrgizý, etnosaralyq jáne konfessııaaralyq qatynastar salasyndaǵy ǵylymı-zertteý jumystaryn úılestirý, Assambleıanyń qazaqstandyq qoǵamnyń turaqty damýyn qamtamasyz etýge, jalpyulttyq kelisimge qol jetkizýde saıası jáne azamattyq ınstıtýt retindegi rólin kúsheıtýge atsalysý jatady.
Ǵylymı-sarapshylyq keńes qyzmeti ǵylymı-zertteý, taldaý jáne bilim berý syndy negizgi úsh baǵytta júzege asýda. Sonymen qatar, keńes qoǵamdyq kelisim, turaqtylyq, toleranttylyq pen ulttyq birlik, etnosaralyq jáne konfessııaaralyq qatynastar salasyndaǵy ózekti máselelerdi talqylap, saralanǵan, zerdelengen sheshim qabyldaýǵa múmkindik berip otyr. Ǵyly