Jaqynda Joǵarǵy Sot ssýdalyq shotty júrgizgeni úshin aı saıynǵy komıssııany tóleý mindeti týraly sharttyń talaptaryn jaramsyz dep taný týraly talap qoıýshy men qazaqstandyq bankterdiń biriniń arasyndaǵy daýdy qarady. Is materıalyna sáıkes, bank jáne zaemshy arasynda 30 000 AQSh dollaryna kredıttik shart jasalǵan. Keıin qosymsha kelisimge sáıkes kredıttik lımıt 49520 dollarǵa deıin kóbeıgen.
Jaqynda Joǵarǵy Sot ssýdalyq shotty júrgizgeni úshin aı saıynǵy komıssııany tóleý mindeti týraly sharttyń talaptaryn jaramsyz dep taný týraly talap qoıýshy men qazaqstandyq bankterdiń biriniń arasyndaǵy daýdy qarady. Is materıalyna sáıkes, bank jáne zaemshy arasynda 30 000 AQSh dollaryna kredıttik shart jasalǵan. Keıin qosymsha kelisimge sáıkes kredıttik lımıt 49520 dollarǵa deıin kóbeıgen.
Osy qosymsha kelisiminde zaemshy ssýda shotyn júrgizgeni úshin bankke somasy 117 dollar aı saıynǵy komıssııany tóleý mindettelgendigi jóninde tarmaǵy kórsetilgen. Talapker tólemderdi alǵany úshin daýlasqan. Biraq birinshi satydaǵy sot onyń osy shartta kózdelgen talaptarymen kelisip, oǵan qol qoıǵandyǵyn dáleldeme retinde keltirip, onyń talap-aryzynan bas tartqan. Osy sheshimmen apellıasııalyq sot alqasy da kelisken. Alaıda, kassasııalyq sot alqasy bank klıentiniń talap-aryzyn qanaǵattandyrǵan.
«Aqsha aýdarý jáne tólemder týraly» zańǵa sáıkes, bank shoty, bul bank pen klıenttiń arasyndaǵy aqsha qabyldaý jónindegi jáne (nemese) bankttiń klıentke qyzmet kórsetý shartynyń kórinisi bolyp tabylady. Esepshot banktegi býhgalterlik eseptiń kórinisi, jeke shot (sýbpozısıı) balanstyq shottyń quramdas bóligi bolyp tabylady, sondaı-aq, ssýda shoty esep aıyrysý operasııalaryna jatpaıdy. Osyǵan sáıkes, ssýda shotyn ashý jáne engizý zaemshylarǵa emes, tek elimizdiń ekinshi dárejeli bankterdiń Ulttyq bankiniń aldynda turǵan basty mindetteriniń biri bolyp tabylady. Ssýda shoty býhgalterlik eseptiń, aqshalaı qarajattyń kórinisi bolyp tabylady jáne zaemshynyń ssýda shoty boıynsha qaryz ekendigin bildirýge arnalǵan. Bank zańgerleri osy sottyń sheshimimen kelispeı, Joǵarǵy Sotqa júgingen.
Azamattyq jáne ákimshilik ister jónindegi qadaǵalaýshy sot alqasy kassasııalyq sot alqasynyń Ulttyq Banktiń 2012 jylǵy 9 aqpandaǵy hatymen saı keletindigin anyqtady, onda ózara qarym-qatynas boıynsha komıssııa zaemshylarynyń ssýda shotyn júrgizýdi zańsyz dep baǵalaǵan jáne jedel qysqartýǵa jatatynyn kórsetken. Joǵaryda baıandalǵandardyń negizinde, Joǵarǵy Sottyń qadaǵalaýshy sot alqasy kassasııalyq sot alqasynyń qaýlysyn zańdy jáne negizdi deı otyryp, onyń kúshin joıýǵa jáne banktiń ótinishin qanaǵattandyrýǵa negiz joq ekendigine qaýly etti, dep habarlady Joǵarǵy Sottyń baspasóz qyzmeti.