Budan buryn atap kórsetkenimizdeı, Qazaqstannyń Búkilálemdik jetistikter kórmesine qatysý dástúri budan keıin Ispanııa Koroldigindegi EKSPO-2008 – Saragosada, Qytaı Halyq Respýblıkasyndaǵy EKSPO-2010 – Shanhaıda, Ońtústik Koreıadaǵy EKSPO-2012 – Esýda jalǵasyn tapty. Aldyn ala aıta ketetin bolsaq, Ispanııa Koroldiginde ótken osy Búkilálemdik jetistikter kórmesinde álemniń 104 memleketiniń ishinde Qazaqstan pavılony «S» kategorııasy boıynsha úshinshi oryndy ıelenip, qola júldeni jeńip alǵan edi.
Budan buryn atap kórsetkenimizdeı, Qazaqstannyń Búkilálemdik jetistikter kórmesine qatysý dástúri budan keıin Ispanııa Koroldigindegi EKSPO-2008 – Saragosada, Qytaı Halyq Respýblıkasyndaǵy EKSPO-2010 – Shanhaıda, Ońtústik Koreıadaǵy EKSPO-2012 – Esýda jalǵasyn tapty. Aldyn ala aıta ketetin bolsaq, Ispanııa Koroldiginde ótken osy Búkilálemdik jetistikter kórmesinde álemniń 104 memleketiniń ishinde Qazaqstan pavılony «S» kategorııasy boıynsha úshinshi oryndy ıelenip, qola júldeni jeńip alǵan edi.
Úsh aı boıy, ıaǵnı 2008 jylǵy 14 maýsym men 14 qyrkúıek aralyǵynda Ispanııa Koroldiginiń Saragosa qalasynda EKSPO-2008 Búkilálemdik mamandandyrylǵan kórmeniń jalaýy jelbiredi. Saragosada ótken kórmeniń 2005 jyly Japonııada jáne 2010 jyly Qytaıda ótken Búkilálemdik ámbebap jetistikter kórmesinen ereksheligi bar. Halyqaralyq kórmeler bıýrosynyń sheshimine sáıkes Búkilálemdik mamandandyrylǵan kórmeler ámbebap kórmelerdiń aralyǵynda jalpy uzaqtyǵy úsh aı merzimge jáne shekteýli aýmaqta (25 gektardan artyq emes), belgili bir taqyryp sheńberinde ǵana ótkiziledi.
2008 jyly Ispanııa Koroldigindegi Aragon avtonomııalyq oblysynyń astanasy Saragosa qalasynda ótkizilgen kórme naq osyndaı mamandandyrylǵan kórme bolyp tabylady, onyń basty taqyryby «Sý jáne turaqty damý» dep ataldy (sóz reti kelgende aıta ketetin bolsaq, 2017 jyly Astana qalasynda ótetin kórme de osyndaı mamandandyrylǵan kórmeler qataryna jatady). Jarty mıllıonnan astam turǵyndary bar Saragosa qalasy Ispanııadaǵy ónerkásibi damyǵan eldegi kólemi jaǵynan altynshy oryndy ıelenetin qala. Munda turǵyndardyń jáne týrısterdiń joǵary suranysyna jaýap beretin kólik ınfraqurylymy damyǵan. Ebro jazyǵy este qalar erte kezeńnen-aq qonys tebýge qolaıly meken bolyp keledi. Kóne aragon dıalektıkasynda sóıleıtin ıberıı taıpalary bul jerdi bizdiń eramyzǵa deıingi dáýirlerde mekendegen. Pıreneı túbegi olarǵa syrttan keletin jaýlap alýshylar úshin qorǵan boldy. Alaıda, Rım ımperatory Avgýstanyń muzdaı qarýlanǵan áskeri aqyry aragondyqtardyń áskerin talqandap, bizdiń eramyzǵa deıingi 27 jyly osy jerde «Imperator Avgýstanyń qalasy» Saragosanyń irgetasyn qalady. Kúni búginge deıin Saragosa qalasynda Rım dáýirindegi qorǵandardyń sulbasyn kórýge bolady.
Halyqaralyq kórmeler bıýrosynyń sheshimimen 2008 jyly Saragosa qalasy Búkilálemdik mamandandyrylǵan kórme ótkizý qurmetin jeńip aldy. Dúnıejúzilik baıqaýda Ispanııanyń álemdik básekege usynǵan – «Sý jáne turaqty damý» taqyrybynyń mańyzdylyǵy jeńiske jetýdiń negizgi sebebiniń biri boldy. О́ıtkeni, HHI ǵasyrda sý máselesi álemdik deńgeıdegi qaýipterdiń birine aınalyp otyr. Qazirgi tańda planetamyzdyń 1 mıllıard 250 mıllıonnan astam halqy sý tapshylyǵynan zardap shegýde. Kórmeni ótkizetin oryn da laıyqty tańdap alynǵan. Ol Ebro ózeniniń tamasha jaǵalaýynda Saragosa qalasynyń ortalyq alańnan eki shaqyrym, al negizgi temir jol stansasynan 300 metr qashyqtyqta ornalasqan.
25 gektar aýmaqty alyp jatqan kórme qalashyǵynyń jobasyn álemniń eń tanymal avangardıst-arhıtektorlary jasaǵan. Kórme qalashyǵynyń aýqymynda Eýropadaǵy eń úlken tushy sý akvarıýmy, óte úlken sýnamı tolqyndarynyń kórinisi jáne basqa qııal-ǵajaıypqa toly kórinister jasalynǵan. Kórmeni uıymdastyrýshylar ózderi tańdaǵan «Sý jáne turaqty damý» taqyrybyna jan-jaqty daıyndyqpen keldi. Munda sý máselesine qatysty barlyq taqyryptar qamtylǵan. Máselen,