«Allıýr Kompanııalar Tobynyń» aksıonerleri bolyp tabylatyn «China National Machinery Import and Export Corporation» transulttyq kompanııasy men «Genertec» kompanııasy Qostanaı oblysyna koronavırýsqa qarsy jeke qorǵanysh quraldary men arnaıy jabdyqtar jetkizdi.
Shalǵaıdan jetken júktiń ishinde bir ret paıdalanýǵa arnalǵan 100 000 betperde, 5 000 medısınalyq maska, 1 000 qorǵanysh kózildirik, 10 teplovızor, esikke qondyrylatyn 3 ınfraqyzyl termometr jáne 50 termodetektor bar. Gýmanıtarlyq kómek oblystyq densaýlyq saqtaý basqarmasyna berildi.
-Búgingi tańda elimizdegi karantın tártibi ózgerissiz qalyp otyr. Sondyqtan indetke qarsy maıdannyń aldyńǵy shebinde júrgen medısına qyzmetkerlerine kórsetiletin kómek sharalaryn jalǵastyra berý asa mańyzdy. Igi sharadan kompanııa aksıonerleri de tys qalmaı, bizdiń bastamamyzdy qoldap, koronavırýsqa qarsy kúreske úles óz úlesterin qosyp otyr. Elimizde jaǵdaı tezirek turaqtalyp, kóp keshikpeı barlyq óndiris oryndary jumysqa kirisetin kún keler degen úmitimiz bar, - dedi Qostanaı mashına jasaý zaýytynyń basshysy Syrym Seısembaev.
Densaýlyq saqtaý basqarmasy baspasóz qyzmetiniń habarlaýynsha, aksıonerler jibergen qorǵanysh quraldary aımaqtaǵy medısına mekemelerine taratylady.
Qostanaı oblysy