Qytaı dárigerleri ózderine qaralýǵa kelgen naýqastyń týra mańdaıyna muryn ósirip berdi. Bul týraly «gigamir.net» habarlady.
Qytaıdyń 22 jasar Sıaolıan esimdi turǵyny 2012 jyldyń tamyz aıynda jol apatyna ushyrap, murnyn jaraqattap alǵan eken. Biraz ýaqyttan soń jas jigittiń aǵza tinderi jansyzdanyp, tynys alýy nasharlaı bastaıdy. Der mezgilinde dárigerge kórinýge asyqpaǵan ol jaǵdaıynyń qıyndaı túskenin sezip, jergilikti jerdegi aýrýhanaǵa keledi.
Tekserý nátıjesinde onyń muryn shemirsheginiń shirigeni jáne onyń jaramsyz ekeni anyqtalady. Sosyn dárigerler keńese kele, shemirshekti naýqastyń qabyrǵasynan alyp, ony jas jigittiń mańdaıyna ornatyp berdi. Búginde jasandy múshe tolyq jetilip, qalyptasqan.
Jýyq arada dárigerler ony óz ornyna qoıýdy josparlap otyr.
Aıdar О́risbaev