VII halyqaralyq nemis mádenıeti festıvali bes kún boıy ótti
Festıvaldyń atyn qazaqshaǵa aýdarǵanda «rýhtaný» degen uǵymdy bildiredi. Rasynda, Qazaqstannyń oblystarynan, Reseıden jáne oblys aýdandarynan kelgen nemis halqynyń ókilderi festıval aıasynda óz halqynyń án-bıin tyńdap, halyqtyń ǵajaıyp qolónerin, osy zamanǵy sýretshiler shyǵarmalaryn tamashalap, bastaýyn tereńnen alatyn káýsar bulaqtan sýsynyn qandyrǵandaı áserde boldy. Zamannyń qıyn jyldary Volga boıynan eriksiz kóshirilgen nemis halqy Qazaqstandy ekinshi otanym dep biledi. Eńbekqor halyq elimizdiń gúldenýine úles qosýmen qatar, barlyq qýanyshty otandastarymen, keńqoltyq qazaq halqymen birge bólisip keledi. 90-jyldary nemis dıasporasy ókilderiniń kópshiligi óziniń tarıhı otany Germanııaǵa qonys aýdardy. Degenmen, qazir Qazaqstanda 180 myńdaı nemis halqynyń ókili turady. Olardyń 30 myńnan astamy Qostanaı jeriniń sýyn sýlap otyr.
VII halyqaralyq nemis mádenıeti festıvali bes kún boıy ótti
Festıvaldyń atyn qazaqshaǵa aýdarǵanda «rýhtaný» degen uǵymdy bildiredi. Rasynda, Qazaqstannyń oblystarynan, Reseıden jáne oblys aýdandarynan kelgen nemis halqynyń ókilderi festıval aıasynda óz halqynyń án-bıin tyńdap, halyqtyń ǵajaıyp qolónerin, osy zamanǵy sýretshiler shyǵarmalaryn tamashalap, bastaýyn tereńnen alatyn káýsar bulaqtan sýsynyn qandyrǵandaı áserde boldy. Zamannyń qıyn jyldary Volga boıynan eriksiz kóshirilgen nemis halqy Qazaqstandy ekinshi otanym dep biledi. Eńbekqor halyq elimizdiń gúldenýine úles qosýmen qatar, barlyq qýanyshty otandastarymen, keńqoltyq qazaq halqymen birge bólisip keledi. 90-jyldary nemis dıasporasy ókilderiniń kópshiligi óziniń tarıhı otany Germanııaǵa qonys aýdardy. Degenmen, qazir Qazaqstanda 180 myńdaı nemis halqynyń ókili turady. Olardyń 30 myńnan astamy Qostanaı jeriniń sýyn sýlap otyr.
– Qazir Qazaqstannyń gúldenýine úles qosyp otyrǵan bir atanyń balalaryndaı tatý-tátti túrli ult ókilderi arasynda nemisterdiń orny erekshe. Olar ekonomıka, áleýmettik sala, ǵylym, sport, mádenıet salalarynda ter tógip keledi. Oblys ákiminiń keńesshisi, belgili azamat Vıktor Vıktorovıch Meısterdi, burynǵy senator, qazir oblys ákiminiń birinshi orynbasary Evgenıı Iosıfovıch Amandy, belgili kásipker Vasılıı Samýılovıch Rozınovty, sharýashylyq uıymdastyrýshylar Ivan Matveevıch Vıchteındi, Nıkolaı Nıkolaevıch Sherdi, Vladımır Aleksandrovıch Shýllerdi jáne taǵy basqalardy tek nemis halqynyń ókilderi ǵana emes, búkil oblys maqtanysh tutady, – dedi oblys ákimi Nuraly Sádýaqasov festıvaldyń ashylý saltanatynda.
Oblysty ekonomıkalyq-áleýmettik damytý maqsatynda jáne mádenı salada Qostanaı men Germanııa arasynda jaqsy qarym-qatynas ornaǵan. Oblys aýmaǵynda 22 nemis-qazaq birikken kásiporny jumys isteıdi. Oblystaǵy joǵary oqý oryndarynyń onshaqty stýdenti Germanııada bilimin shyńdap qaıtty. Festıval aıasynda da osyndaı barys-kelisti, alys-beristi nyǵaıtý maqsatynda dóńgelek ústel otyrystary ótti.
– Osydan jıyrma jyl burynǵy ýaqytty esterińizge alyńyzdarshy. Nemis halqy ókilderiniń óz dástúr-salty men mádenıetine sýsyndaýǵa múmkindigi túgil, olarǵa durys kózqaras ta bolmaǵanyn nesine jasyramyz. Al qazir zaman qalaı ózgerdi deseńshi! Osyǵan shúkir. Qazaqstanda ýaıym-qaıǵysyz, shat-shadyman turyp kelemiz. Sol úshin de Qazaqstannyń basshylyǵyna, qazaq halqyna rahmet aıtamyz, – dedi «Vozrojdenıe» Qazaqstan nemisteri qoǵamdyq birlestikteri qaýymdastyǵynyń tóraǵasy Aleksandr Dederer.
Festıvaldyń baı baǵdarlamasy aıasynda túrli sharalar ótti. Halyqtyń arasynan shyqqan sheberler men kesteshiler, qolónershiler óz týyndylaryn kórermenge usyndy. Uqyptylyq jóninen aldyna jan sala qoımaıtyn nemisterdiń kestesi, toqyma buıymdary jáne bıserden tizgen áshekeıleri kózdiń jaýyn alady. Kórkemsýret galereıasynda nemis sýretshileriniń shyǵarmalarynan kórme uıymdastyryldy. Festıvalda jastar jáne shyǵarmashylyq uıymdary lıderleriniń birikken májilisi boldy. Olar saıası qýǵyn-súrgin qurbandaryna arnalǵan eskertkishke gúl shoqtaryn qoıdy, jas talanttar baıqaýlaryna qatysty.
– Nemis ultynyń ókilderi qazir Qazaqstanda shoǵyrlanyp turmaıdy. Sondyqtan festıval maqsatynyń biri jastardy tanystyrý, biriktirý, dostastyrý boldy. Bul olard