Pýshkın atyndaǵy oblystyq kitaphanada Qazaqstannyń eńbek sińirgen qaıratkeri, belgili kınorejısser Anatolıı Laptevtiń «Altaıdyń Kerbuǵysy» atty derekti beıneessesiniń tusaýkeser rásimi ótti. Onda ór Altaıdyń aqıyq jazýshysy, qaıtalanbas talant ıesi Oralhan Bókeıdiń ómirbaıany, kınorejısserdiń ózi kýá bolyp, kindik qany tamǵan Shyńǵystaıynda bolǵan sátteri áserli sýrettelgen.
Pýshkın atyndaǵy oblystyq kitaphanada Qazaqstannyń eńbek sińirgen qaıratkeri, belgili kınorejısser Anatolıı Laptevtiń «Altaıdyń Kerbuǵysy» atty derekti beıneessesiniń tusaýkeser rásimi ótti. Onda ór Altaıdyń aqıyq jazýshysy, qaıtalanbas talant ıesi Oralhan Bókeıdiń ómirbaıany, kınorejısserdiń ózi kýá bolyp, kindik qany tamǵan Shyńǵystaıynda bolǵan sátteri áserli sýrettelgen.
A.Laptev osydan shırek ǵasyr buryn Oralhannyń Katonqaraǵaıda bolǵan kezdegi tarıhı beınesin taspaǵa túsirip alypty. Jazýshynyń ata-anasy, jerlesteri jaıly da fılmde keńinen baıandalady. Fılmde Oljas Súleımenov, Asanáli Áshimov, Beksultan Nurjeke sııaqty belgili tulǵalar da jazýshy týraly óz oılaryn ortaǵa salady. Jarty saǵattyq fılmge qarjylaı demeýshilik jasaǵan oblystyq ishki saıasat departameni.
Tusaýkeser rásiminde jazýshy Álibek Qańtarbaev, Oralhannyń jerlesi, zamandasy Amantaı Bakın, taǵy basqalar fılm-esseniń tartymdy, kórermenderin baýrap alatyny jaıly jyly pikir bildirdi. Aıta ketý kerek, ústimizdegi jyldyń 28 qyrkúıeginde keshki saǵat 19.30-da respýblıkalyq «Mádenıet» arnasy «Altaıdyń Kerbuǵysy» («Chelovek – olen»), fılmin kógildir ekrannan kórsetedi.
Ońdasyn ELÝBAI,
«Egemen Qazaqstan».
О́SKEMEN.