Dinniń dittegeni – búlik emes, birlik ekenin izgi nıetti adamdar aıtýdaı-aq aıtyp keledi. О́ıtkeni din – adamgershilik, meıirim, izgilik pen ımandylyqtyń adamzatty alǵa jeteleıtinin ýaǵyzdaıdy. Biraq soǵan qaramastan «búırekten sıraq» shyǵaryp, teris jolǵa bura tartatyndar búlikshil áreketterin qoıar emes. Sondyqtan mundaı keleńsizdikterge jol bermeý, onyń aldyn alý maqsatynda Oral qalasynda «Dinı ekstremızm: máni jáne qarsy turýdyń túıtkildi máseleleri» taqyrybynda respýblıkalyq ǵylymı-praktıkalyq konferensııa uıymdastyryldy.
Dinniń dittegeni – búlik emes, birlik ekenin izgi nıetti adamdar aıtýdaı-aq aıtyp keledi. О́ıtkeni din – adamgershilik, meıirim, izgilik pen ımandylyqtyń adamzatty alǵa jeteleıtinin ýaǵyzdaıdy. Biraq soǵan qaramastan «búırekten sıraq» shyǵaryp, teris jolǵa bura tartatyndar búlikshil áreketterin qoıar emes. Sondyqtan mundaı keleńsizdikterge jol bermeý, onyń aldyn alý maqsatynda Oral qalasynda «Dinı ekstremızm: máni jáne qarsy turýdyń túıtkildi máseleleri» taqyrybynda respýblıkalyq ǵylymı-praktıkalyq konferensııa uıymdastyryldy.
Atalǵan sharany ótkizýge oblystyń dinı ahýalyna júrgizilgen taldaý boıynsha, qoǵamda áli qalyptasyp úlgermegen 17 men 25 jas aralyǵyndaǵy turǵyndar arasynda dástúrli emes dinı aǵymdarǵa elikteıtin keıbir jastardyń bar ekendigi bolyp otyr. Sondyqtan osy máseleniń ózektiligine baılanysty konferensııany ótkizý qajettiligi týyndady. Bul baǵytta Oral qalasyndaǵy úsh JOO-da seksııalyq jumystar júrgizilip, ortalyq alańda «Jastar sektalarǵa qarsy!» uranymen 2500-deı stýdent qatysqan flesh-mob ótkizildi, deıdi Batys Qazaqstan oblysy prokýrorynyń mindetin atqarýshy Áspenbı Jarylǵasov.
Batys Qazaqstan oblysynyń quqyq qorǵaý organdarynyń úılestirý keńesiniń sheshimin oryndaý maqsatynda oblystyq prokýratýranyń bastamasymen, oblys ákimdiginiń qoldaýymen ótken bul jıynǵa elimizdiń birqatar teolog mamandary, JOO rektorlary, stýdentteri, quqyq qorǵaý organdary men úkimettik emes uıymdardyń ókilderi qatysty.
Jalpy alǵanda, bizdiń elimizde ár azamatqa dindi tańdaý erki berilgendigi belgili, ol zań sheńberinde retteletin másele. Tarıhı turǵydan alyp qaraǵanda ádet ǵurpymyz ben salt-dástúrimizdi saqtap, Qudaıǵa sený arqyly dinimizdi berik ustap kele jatqan halyq ekendigimiz barshaǵa aıan. Elimizdiń basyna qıyn-qystaý kún týǵan shaqta da nebir tyǵyryqtan aqsaqaldar keńesiniń, bıler mektebiniń, el basqarǵan handarymyzdyń qara qyldy qaq jarǵan jarǵysy men ádil tórelikteri arqyly shyǵyp otyrdyq. Al qazirgi kózqaras, búgingi ómir talaby bizge erekshe mindetterdi júktep otyr. Álemde san túrli din bolsa da árbir tulǵa óz baǵytyn aıqyn anyqtaýy tıis. Sondyqtan memleketimizde tyıym salynǵan dinı aǵymdardyń baǵytyna burylmaı, jat kózqarastyń jetegine ermeı, kóshimizdiń kerýenin ımandylyqqa burýymyz qajet, deıdi oıyn odan ári órbitken Á. Jarylǵasov.
Al Atyraý oblysyndaǵy «Shapaǵat» destrýktıvti dinı aǵymdardan zardap shekkenderge kómek kórsetý ortalyǵynyń dırektory, teolog-ıslamtanýshy Ámire Ersin ýahabılik-salafılik aǵym týrasynda: «Osyndaı burmalanǵan ári buzyq tálimdi boıyna sińirip alǵan jastardyń júzinen sýyqtyq, kózderinen qatygezdikti anyq baıqaısyz», dep naqty mysaldardy keltiredi. Máselen, juma namazdarynda «júregime kúmán kirip, adasyp ketpeıin» degen úreımen olar meshitterde QMDB ımamdarynyń aıtatyn ýaǵyzdaryn tyńdamaý úshin qulaqtaryna tyńdaǵyshty taǵyp alyp, óz kósemderiniń ýaǵyzyna ǵana den qoıyp otyratyn jastardy kóptep kórýge bolady. Bul jaǵdaıdy ýahabızmdi elimizde nasıhattap jatqan jigitterdiń pátýalary otqa maı quıǵandaı ýshyqtyrýda. Osynyń mysaly retinde, Saryaǵash qalasynyń týmasy, ulty ózbek jigittiń Medına qalasynda otyryp, ınternet arqyly eldegi sońynan erýshilerine bergen myna pátýasyn keltirýge bolady. Ol ózine qoıylǵan «Bıdǵatshylarǵa qatysty ustanymymyz jáne qarym-qatynasymyz qandaı bolýy kerek? Olarmen saýda-sattyq sekildi dúnıelik isterde aralasýǵa ruqsat bar ma?» – degen suraqtarǵa, «Bıdǵatshylarmen aralasýǵa qaraǵanda, ıegova kýágerlerimen aral