Almatyda taǵy da tolassyz jaýǵan jańbyr saldarynan aýla ýchaskelerin sý basty. Bul týraly Almaty qalalyq Tótenshe jaǵdaılar departamentiniń baspasóz qyzmeti habarlady.
TJD málimetine sáıkes, búgin tańerteń Jetisý aýdanynda motopompa arqyly sý soryldy. Tańǵy saǵat 5-ten bastap Skrıabın kóshesi, 24 meken-jaıy boıynsha ýchaske tazartylyp alyndy. Mamandar bul jerde aldyn ala qoıylǵan tehnıkamen kezekshilik atqardy. Oqıǵa ornynda «Almaty tazalyq», TJ bóliminiń qyzmetkerleri jumys isteýde. Sý basýdyń sebebi qatty jaýyn-shashyn saldarynan aryq tolyp qalǵan. Qazir ýchaske óńdeldi. Qurbandar men japa shekkender joq.