Júrgende amandyǵyn suraǵaly,
Joǵalttym,
Jer betinen bir aǵany.
Kónbeıdi
Kóńil shirkin óldi deýge,
Sónbeıdi úmitimniń shyraǵy áli.
Júrgende amandyǵyn suraǵaly,
Joǵalttym,
Jer betinen bir aǵany.
Kónbeıdi
Kóńil shirkin óldi deýge,
Sónbeıdi úmitimniń shyraǵy áli.
Jan aǵa,
Basymdaǵy baq-yrysym,
Janymnyń atyńa saı sabyrysyń.
Keýdemnen tiri júrseń bir ot sónbes,
Seıilmeı saǵan degen saǵynyshym.
Jan aǵa!
Tulǵań seniń arystandaı,
Qarý ǵyp
Qalamyńdy
Qalys qalmaı.
Ultynyń qamyn oılap,
Urpaq úshin,
Atylyp kete barǵan
Arystandaı.
Jan aǵa!
Jazǵanyńa súıinbes kim?
О́zi ediń
Qarsy butaq – ıilmestiń.
Túspeı-aq temir torǵa,
Qazǵan orǵa.
Ahań men Mirjaqyptyń kúıin keshtiń,
Ahań men Mirjaqyptyń sózin sóılep.
Kórgeniń
Kóz ashqannan tózim-beınet.
Uqsaǵan
Qazdaýysty atasyna.
Oılaýshy em,
Bıdiń biri óziń ǵoı – dep.
Dúnıe-aı,
О́tken ómir kórgen tústeı,
Jylqydaı keship júrdiń bergendi ishpeı.
Otyrdyń han bolmaı-aq,
Bı bolmaı-aq,
Solardan abyroıyń bir kem túspeı.
Sózińniń
Myń jylda da,
Máni ketpeı,
Jata almas, naǵyz talant
Janyp ótpeı.
Shashtyń sen nesibeńdi ońdy-soldy,
Baıaǵy –
Shaqshaq atań Jánibekteı.
Qasyńda bolǵannan soń quptar eliń,
Halqyńnyń qasıetin uqqan ediń.
Torǵaıdyń jastarynyń kósemi bop,
Bir kezde «atoı» salyp shyqqan ediń.
Úzilip turmaǵan soń emeshegi,
Erkińe jibermedi Keńes eli.
Qolyńa qalam aldyń sodan keıin,
Ultymnyń osy ǵoı dep keleshegi.
Sodan soń taıǵan joqsyń alǵan betten,
Aınymaı,
Atań mingen tarlankókten.
Qýdyryp qý túlkideı bulań qaqqan.
Dúnıe-aı,
Aldamshy edi, jalǵan netken!
Kisi edi,
Týysqa adal, dosqa berik.
Boıyna jıǵan emes bosqa jelik.
Betine jan adamnyń jel bop tımeı,
Jetkenshe dál osynaý jasqa kelip.
Kisi edi,
Jany jaısań, ázilge baı,
Jónine jyǵylarsyń óziń de ońaı.
Sózine tań-tamasha qalar ediń,
Tabylǵan oıda-joqta qazynadaı.
Qashanda
Qanjyǵasy syı bókterip,
Júretin keýdesine kúı keptelip.
Jetti ol –
Saryarqanyń saýyryna,
Súıegin Astanaǵa súırep kelip.
Bul ómir,
Bir bes kúndik aldanyshtaı,
Saqtalsyn bar jınaǵyń qoldan ushpaı.
Bir kúni
Kezi kelse atylarsyń.
Jat ázir,
Buǵyp jatqan jolbarystaı!
Serik TURǴYNBEKULY.