18-20 mamyr aralyǵynda «Qazmedıa ortalyǵy» ǵımaratyndaǵy telearnanyń 200-ge jýyq qyzmetkeri Covid-19-ǵa tekserildi. Bul týraly elorda ákimdiginiń baspasóz qyzmeti habarlady.
«Eýrazııa» arnasynyń 2 qyzmetkerinen koronavırýs anyqtaldy. Olar stasıonarda. Telearnanyń jumysy epıdemııaǵa qarsy rejımge aýystyryldy. Arna basshylyǵy qyzmetkerlerdi barynsha qashyqtan jumys isteý rejımine kóshirýi qajet» delingen ákimdik taratqan habarlamada.
Sonymen qatar 22 mamyr men 7 maýsym aralyǵynda «Qazmedıa ortalyǵy» ǵımaratyna kirip-shyǵýǵa shekteý qoıylady.
Barlyq sanıtarlyq normalardyń qatań saqtalýy qajet ekendigi eskertildi. Medısınalyq masqa kıip, qoldy antıseptıkpen óńdeý, adamdarmen araqashyqtyqty saqtaý mańyzdy. Dezınfeksııalyq quraldardy qoldana otyryp úıde ylǵaldy tazalaý jumystaryn júrgizý kerek.