Taǵylymy mol mereke

1992 jyly resmı túrde, ıaǵnı tarıhı zańdar arqyly qa­byldanǵan, barsha qazaq­stan­dyqtyń maqta­ny­shy­na aınalǵan memlekettik rá­miz­de­rimizdiń búginde janymyzǵa jylylyq uıalata biler tarıhy qalyptasty. Rámizderimizdiń tarıhyna, mazmunyna zer sal­sańyz táýelsiz elimizdiń beı­bit­shi­likke, dostyqqa negizdelgen usta­nymyn, saıasatyn anyq a­ń­ǵa­­rasyz.

О́zim Amangeldi aýdanyna qarasty Amantoǵaı aýylynyń týmasymyn. Qazaqy aýylda ósip, qazaq mektebinde bilim alǵan­dyqtan, jastaıymnan Ánuranymyzdy jattap, Eltań­ba­myzdyń ár órnegin zerdelep, bolashaq arman-qııalyn mem­lekettik Týymyzben as­tas­­tyr­ǵan jastardyń biri­min. Bıyl Qostanaı gýma­nı­­tarlyq kolledjin mektep­ke deıingi tárbıe jáne oqy­tý mamandyǵy boıynsha támam­dap jatyrmyn. 2018 jyly Memlekettik rámizder kúnine oraı uıymdastyrylǵan «Mem­le­kettik rámizder – maq­ta­­ny­shym» atty oblystyq baı­qaý­dyń jeńimpazymyn.

Halqymyz óz urpaǵyna Ota­nyn, jerin, tilin, mem­le­ket­tik rámizderin jú­rek­pen súıýge, patrıot bolýǵa tárbıelegen jáne baýlyǵan. Bizdiń memle­ket­tik rámizderimizdiń mazmuny óte tereń, zor tárbıelik mán-maǵynasy bar. Olardyń eli­miz­diń ótkeni men bolashaǵyn, maqsat-múddesin, berik usta­ny­myn aıqyndaıtynyn eskere sóılesek, árbir otandasymyz Qazaqstan Respýblıkasynyń memlekettik rámizderin qur­met­tep, qadirlep, maqtanysh etýi kerek.

Biz balabaqshalarǵa jıi baryp, tájirıbeden ótip tu­ra­­myz. О́sip kele jatqan bal­dyr­ǵandarǵa memlekettik rámiz­de­rimiz týraly áńgimelep, olar­dy qasterleýge úıretip, otan­súı­gish­tik­ke tárbıeleımiz. 

Osy oraıda, Memlekettik rá­miz­der kúni mán-mańyzy jo­ǵa­ry, babalar amanatyn arqalaǵan búgingi urpaqqa zor jaýapkershilik artatyn asa mártebeli meıram ekenin atap ótkim keledi. О́mirden erte ket­ken talantty aıtysker aqyn Orazaly Dosbosynovtyń «As­pannan alty qulash jyrtyp alyp, qolyna kók baıraq qyp ustaǵan jurt», degen sózi esimde jattalyp qalypty. Bul tegin aıtylǵan sóz emes. Kók – tazalyq pen asqaqtyqtyń belgisi. Kóńilimiz taza, armanymyz asqaq bolsyn degen nıetpen, barsha qazaqstandyqty 4 maýsym – Qazaqstan Respýb­lı­ka­synyń Memlekettik rámizderi kúnimen shyn júrekten quttyq­taı­myn! Árdaıym aspanymyz ashyq, elimiz tynysh, hal­qy­myz aman, mártebemiz bıik bolsyn! Rámizder kúni qutty da, berekeli bolyp, elimiz bir­lik pen yntymaqty tý etip, bıik­ter­di baǵyndyra bersin!

Oksana TERENTEVA,

Qostanaı Gýmanıtarlyq kolledjiniń stýdenti

Qostanaı oblysy