Uly Abaıdyń týǵanyna 175 jyl tolýyna arnalǵan «Júregimniń túbine tereń boıla» atty mereıtoılyq músháıra óz máresine jetti. Birneshe jyldan beri Nur-Sultan qalasy ákimdiginiń qoldaýymen Sáken Seıfýllın murajaıy uıymdastyryp kele jatqan dástúrli jyr báıgesi bıyl Abaı rýhyna arnaldy.
Alaman jyr jarysyna respýblıkamyzdyń túpkir-túpkirinen 150 aqyn qatysty.
Qazaqstan Jazýshylar odaǵynyń Nur-Sultan qalalyq fılıalynyń dırektory, aqyn Dáýletkereı Kápuly qazylar alqasyna tóraǵalyq etti. Qazylar quramynda Memlekettik syılyqtyń laýreaty, jazýshy Qajyǵalı Muhambetqalıuly, Halyqaralyq «Alash» ádebı syılyǵynyń laýreaty, aqyn Serik Aqsuńqaruly, Qazaqstannyń eńbek sińirgen qaıratkeri, jýrnalıst Janbolat Aýpbaev, Memlekettik syılyqtyń laýreaty, aqyn Nesipbek Aıtuly boldy.
Belgili qalamgerlerden quralǵan qazylar alqasy músháıraǵa qatysqan shyǵarmalardy suryptaı kele, Bas júldeni «Abaıdyń bulaǵy» degen toptama óleńderi úshin Halyqaralyq «Alash» ádebı syılyǵynyń laýreaty, aqyn Janat Áskerbekqyzyna (Nur-Sultan) tabystady.
Birinshi oryndy jas aqyn Qabıden Qýanyshbaıulynyń (Nur-Sultan) «Armany joq Abaıy bar halyqtyń» atty óleńder toptamasy ıelendi.
Ekinshi eki orynnyń birin «Alash», «Tarlan» syılyqtarynyń laýreaty, aqyn Israıl Saparbaı (Almaty) «Imanı gúldiń tórkini» toptamasymen, al ekinshisin respýblıkalyq músháıralardyń birneshe dúrkin jeńimpazy, aqyn Baqytjan Raısova (О́skemen) «Kemeńger» óleńder toptamasymen jeńip aldy.
Úshinshi úsh oryn belgili aqyndar Serikjan Qajıdyń (Almaty) «Aqylyna jaý emespin Abaıdyń», Bolat Úsenbaevtyń (Almaty) «Abaınama», Ularbek Nurǵalymnyń (Nur-Sultan) «Ǵasyrlardyń minberinde – uly Abaı» atty óleńder toptamasyna berildi.
Bes yntalandyrý syılyǵyn Serik Ábilulynyń (Nur-Sultan) «Abaı bol», Shámelhan Buhathannyń (Nur-Sultan) «Bir qonyp qaıtaıynshy Jıdebaıǵa», Jiger Nysanovtyń (Aqtóbe) «Tiri júrek», Qaırat Zekenulynyń (Semeı) «Abaıǵa júgin», Baltabek Nurǵalıevtiń (Almaty) «Ulylyq» atty óleńderi ıelendi.