Almatyda Ál-Farabı dańǵyly boıynda (Meńdiqulov pen Dostyq kósheleriniń arasynda) «Almaty – adaldyq alańy» aıasynda «О́z elińdi buzba» mýraly salyndy. Bul kompozısııa azamattardy adamgershilikke tárbıeleýge, adaldyq, ádilettilik qaǵıdalaryn sińirýge arnalǵan.
Mýraldyń tusaýkeserine Sybaılas jemqorlyqqa qarsy is-qımyl agenttiginiń tóraǵasy Alık Shpekbaev qatysty. Ol: «Jumysty aldyn alýǵa jáne parasattylyq júıesin ilgeriletýge, adal jáne parasatty urpaq tárbıeleýge, halyqpen turaqty keri baılanys ornatýǵa baǵyttaý kerek. Azamattardy tyńdap, oǵan qulaq asyp, kez kelgen máselege jedel den qoıý qajet», dep jobanyń mańyzdylyǵyn atap ótti.
«Mundaı is-sharalar halyqtyń sanasyn ózgertýge, sybaılas jemqorlyqqa qarsy mádenıetti qalyptastyrýǵa, adamgershiligi mol urpaq tárbıeleýge arnalǵan», dedi qalalyq Sybaılas jemqorlyqqa qarsy is-qımyl departamentiniń basshysy Nyǵmedjan Saparov.
Ár qazaqstandyqtyń quqyq buzýshylyq pen sybaılas jemqorlyqqa qarsy is-qımyl aıasynda óziniń belsendiligin tanytýy eldegi jaǵdaıdy jaqsartýǵa múmkindik beretini sózsiz.