Qasym-Jomart Kemeluly Toqaev saıasat ǵylymdarynyń doktory ataǵyn alǵan halyqaralyq qatynastar salasynyń halyqaralyq deńgeıdegi sheberi. Alǵashqy dıplomatııalyq jolyn Sovet Odaǵy kezinde ekinshi hatshy dárejesinen bastap, birinshi hatshy, keńesshi dárejelerine deıin kóteriledi. Ol birneshe elderde, atap aıtqanda Qytaı jáne Sıngapýr elderinde qyzmet atqaryp, BUU-nyń otyrystary men halyqaralyq jáne aımaqtyq jıyndarǵa qatysý arqyly dıplomatııalyq biliktiligi shyńdalady.
1991 jyly Qazaqstan táýelsizdigin alǵannan keıin, Syrtqy ister mınıstriniń orynbasary, qazaq dıplomatııasynyń kóshbasshysyna aınalyp, Syrtqy ister mınıstri bolyp taǵaıyndalady. Sondaı-aq Qasym-Jomart Kemeluly Qazaqstan Respýblıkasynyń Premer-mınıstriniń orynbasary, Premer-mınıstri, keıin QR Parlamenti Senaty tóraǵasynyń qyzmetin atqarady.
О́z elinde jáne shetelderde ótken kóptegen halyqaralyq jáne aımaqtyq konferensııalar men kezdesýlerge qatysyp, kelissózder júrgizý men pikir almasýdyń qyr-syryn meńgeredi.
Qasym-Jomart Kemelulynyń atqarǵan keıbir jetistikterine toqtalyp ketetin bolsaq:
- 1996 jyly Iаdrolyq synaqtarǵa jappaı tyıym salý shartyna qol qoıǵan;
- BUU Bas hatshysynyń orynbasary jáne BUU-nyń Jenevadaǵy keńsesiniń Bas dırektory laýazymdarynda eńbek etti;
- "Kúshti Prezıdent – yqpaldy Parlament – esep beretin Úkimet" degen ataqty sózdiń avtory.
Ol – óte baısaldy, az sózdi, jaqsy orator. Ol QR Tuńǵysh Prezıdenti – Elbasy Nursultan Ábishuly Nazarbaevtyń óte jaqyn serigi bolyp, Elbasynyń ómirlik tájirıbesinen, kóshbasshylyq jáne qıyndyqtardyń sheshimin taba bilý sııaqty qasıetterinen ózine kóp paıda aldy.
2019 jyldyń 20-shy naýryzynda "Nur-Otan" partııasy, Parlament Senaty pen Májilisiniń bir aýyzdan qoldaýymen QR Prezıdenti laýazymyna kandıdatýrasy usynyldy.
Keıin prezıdenttik saılaýda jeńiske jetip, 2019 jyldyń maýsym aıynda jer kólemi jaǵynan Islam álemindegi eń úlken memleket, Reseı men Qytaı sekildi eki alpaýyt eldiń ortasynda ornalasqan Qazaqstan Respýblıkasynyń Prezıdenti atandy. Sondaı-aq Qazaqstan arab elderimen tamyry tereńde jatqan Islam dini arqyly da tyǵyz baılanysady. Ásirese, Qazaqstan men Arab túbegindegi elder arasynda óte erekshe ári joǵary deńgeıdegi qarym-qatynastar ornatylǵan.
• Nesıe qaryzdaryn keshirý: 2019 jyldyń 26 maýsymynda Qasym-Jomart Toqaev 500 myńǵa jýyq qazaqstandyqtyń shamamen 300 myń teńge kólemindegi bank aldyndaǵy bereshegin keshý týraly jarlyqqa qol qoıdy.
• Muǵalimderdiń jalaqysyn kóterý: 2019 jyldyń 16 tamyzynda ótken Tamyz konferensııasynda Prezıdent muǵalimderdiń jalaqysyn eki esege arttyrýdy tapsyrdy.
• Shákirtaqyny ósirý: 2019 jyly 10 jeltoqsanda qazaqstandyq stýdentterdiń shákirtaqysyn ósirýdi tapsyrǵan bolatyn.
• Shaǵyn jáne orta bıznesti qoldaý: 2019 jyldyń 2 qyrkúıeginde Úkimetke shaǵyn jáne orta bıznes salasyndaǵy kompanııalardy 2020 jyldyń basynan bastap tabysqa salynatyn salyqtan 3 jylǵa bosatý týraly tapsyrma berdi.
Qasym-Jomart Kemeluly Toqaev sóılegen kezde ony bári muqııat tyńdaıdy. Onyń aıqyn aıǵaǵy retinde koronavırýs pandemııasyna qatysty apta saıyn, aı saıyn sóılegen joldaýlaryn qazaq halqy asyǵa kútip otyratyn. Ol kóregendiligi men jigeriniń arqasynda Qazaqstandy osy pandemııa men saldarynan aman alyp shyqty. Ol árqashan jastarǵa qoldaý bildirip, iskerlikke, kóshbasshylyqqa úndep júredi. Mine, qazir bıliktiń tizginin alǵannan beri bir jyl ótip otyr. Osyǵan oraı, Joǵary mártebeli QR Prezıdenti Qasym-Jomart Kemeluly Toqaev myrzany shyn júrekten quttyqtaımyn. Oǵan sáttilik pen jetistik, zor densaýlyq, Qazaq eline beıbitshilik, turaqtylyq pen órkendeı berýin, baýyrlas qazaq halqynyń gúldene berýin tileımin.
Osy oraıda, barsha qazaqstandyqtardy, úkimeti men halqyn shyn júrekten quttyqtaı otyryp, jaqsylyq, densaýlyq pen beıbitshilik tilegim keledi!
D-r Dahır Alenazı
Zeınettegi Elshi