Qostanaı oblysynyń ákimi Arhımed Muhambetov tótenshe jaǵdaı kezinde "Biz Birgemiz" respýblıkalyq aksııasy sheńberinde muqtaj jandarǵa belsendi kómek kórsetken eriktilerdi QR Tuńǵysh Prezıdenti Nursultan Nazarbaevtyń Alǵys hattarymen marapattady, - dep habarlaıdy Egemen.kz
Salanatty shara barysynda aımaq basshysy "Jas Otan" jastar qanatynyń eriktileri oblys boıynsha barlyǵy 9 myńnan astam otbasyǵa azyq-túlik, maska jáne áleýmettik mańyzy bar taýarlardy jetkizgenin atap ótti.
Oblys boıynsha 122 erikti Elbasynyń Alǵys hatyna ıe boldy. Arhımed Muhambetov ár eriktige shynaıy alǵys bildirip, olar jasaǵan ıgilikti istiń mańyzdy ekenin atap ótti.
"Koronavırýs dertine baılanysty búkil álem jurtshylyǵy kúrdeli daǵdarysqa ushyrady. Muny jaqsy bilesizder. Koronavırýs indeti elimizdi, onyń ishinde oblysymyzdy da aınalyp ótken joq. О́ńirimizdegi karantın saldaryna oraı biz búgin erekshe jaǵdaıda kezdesip otyrmyz. Jalpy karantın rejımi azmattarymyzǵa aıtarlyqtaı qıynshylyq týǵyzdy. Degenmen oblys turǵyndary osy indetke qarsy kúresý úshin judyryqtaı jumyla bildi.Osy rette sizderdiń qosqan úlesterińiz óte zor. Muqtaj jandarǵa azyq-túlik aparyp berip, qart kisilerdiń úıine dári-dármek jetkizip, blok beketterdegi kúni-túni qyzmetin atqaryp jatqan tártip saqshylary men dárigerlerge ystyq tamaq aparyp úlken ári qaıyrymdy istiń basy qasynda tózimdiligk pen qamqorlyq tanytyp júre bildińizder. Sizderge aıtar alǵysym sheksiz", dedi Arhımed Muhambetov.
Aıta ketetin jaıt, karantın kezinde oblys mesenattarynyń qoldaýymen 9 myńnyń ústindegi adamǵa 136 mln teńgeden astam kómek kórsetilgen.
Sondaı-aq, Elbasynyń bastamasymen qurylǵan "Birgemiz" qory muqtaj azamattardyń árqaısyna 50 myń teńgeden aqshalaı kómek kórsetkeni belgili. Mysaly, Qostanaı oblysynda 21 630 azamatqa 1 mlrd teńgeden astam qarjylaı kómek kórsetilgen.
Qostanaı oblysy