Túp-tórkininde eldik múdde tur

Atap aıtqanda, Nur Otan partııa­sy búgingi ýaqyt pen zamana tynysyn dóp basyp, aldyna aıqyn da baıypty baǵdar belgilep otyr. Sonyń ishinde eldiń kóshbasshy saıası uıymy ózge áriptesteri men qoǵamdyq ınstıtýttarǵa úlgi-ónege jáne bastamashyldyq tanytyp, eldik múdde men eldik máseleler tóńi­reginde utymdy partııalyq joba­lardy qolǵa ala bilgeni – qup­tar­lyq is. Partııanyń Oıyl aýda­nyn­daǵy Saıası keńesi bıýros­ynyń múshesi, Oıyl aýdan­dyq máslı­haty­nyń hatshysy Erkin Jıenalın óz-oı pikirin osy arnadan sabaqtady.

Onyń aıtýynsha, Batystan bas­taý alǵan, budan keıingi kezeń­de AQSh saıa­satkerleriniń demo­kra­tııa­lyq us­tanymdaryna negiz­del­gen saı­laý táji­rıbesin jat­sy­ný­­dyń qa­jeti joq. Tipti Par­la­ment Má­ji­li­si­niń de­pýtaty Ba­qyt­bek Smaǵul «Egemen Qazaqstan» ga­zet­iniń 9 maýsym kúngi nómi­rin­de ja­­rııa­­l­anǵan «Praımerız – pa­­ıym men parasat ólshemi» degen ma­­qa­­­la­­synda bul – partııanyń ár óńir­­de ót­kizetin ishki saılaýy degen uǵym­­dy bildiretinin aıta ke­lip, praı­­merız – halqymyzdyń b­a­ıyr­­­ǵy dás­t­úrin jańa formatta qaı­ta tú­letý ispetti ekenin atap kórsetipti.

Áńgimeni ári qaraı jalǵasaq, álem elderiniń saıası leksıkony­nan óz ornyn tapqan praımerız termınin halqymyzdyń oılaý-túsinigindegi uǵymǵa saısaq, par­tııa­ishilik irikteý tásili bolyp shy­ǵa­dy. Jańa tásil partııaishilik saılaý­dyń mazmuny men túrine, búgin­gi tilmen aıtqanda, onyń for­maty­na túbegeıli ózgerister engizi­lýine ári eń laıyqty kóshbasshyny saı­laýǵa septigin tıgizbek. Ekinshi­den, munyń ózi elimizdiń saıası qondyrǵysyna álemdik tájirıbede ózin ózi tolyǵymen aqtaǵan jańa tehnologııalar men tásilderdiń en­gizilý úrdisin tanyta alady.

– Halyqaralyq deńgeıdegi ozyq tájirıbeniń bárin bas-kózge qaramaı qabyldaı beretin bolsaq, saıası synaqtan súrinip ketýimiz de ábden múmkin. Osy oraıda Nur Otan partııasy praımerız tásiliniń tıimdi tustaryn aldyn ala oı tarazysynan ótkizgeni partııa músheleri men kópshilik tarapynan qoldaý tapqany – bir mereı. Tek sodan keıin ǵana ótken jyly partııaishilik irik­teý tásili qanatqaqty joba reji­minde uıymdastyryldy. Onyń óńir­degi jıyny Aqtóbe oblysy bo­ıynsha Muǵaljar aýdanynda ótki­zildi, – dedi bul týraly Nur Otan par­tııasy Saıası keńesiniń múshesi, «SNPS-Aqtóbemunaıgaz» AQ bas dırektorynyń birinshi orynbasary Taqtalıfým Esenǵulov.

Onyń negizgi nátıjesi qan­daı boldy degen máselege kelsek, qanat­qaqty rejim kezinde kóptegen adam oǵan qatysýǵa nıet bil­dir­­genin aıtýǵa tıispiz. Ári osy ar­­qyly nurotan­dyqtardyń qata­ryn­da júr­gen­derdiń arasynda kimderdiń kósh­basshy bolýǵa qabiletti ekendigi de anyqtaldy. Osylaısha Aqtóbe aımaǵynda praımerız ótkizý qyzý talqylaý men ashyq pikirtalastyń ózegine aınalyp sala berdi. Tek sodan keıin ǵana partııanyń Saıası keńesi músheleriniń daýys berýimen onyń erejesi qabyldandy.

Taǵy bir atap óterlik másele, al­daǵy ýaqytta Aqtóbe oblysynda par­­tııa­ishilik irikteýge qaty­sýǵa nıet bil­­dirgenderdi arnaıy ázirlik­ten ót­­kizý men oqytý isi belgilen­geni. So­­nymen birge saıası menedjment mek­tebiniń qyzmetin jolǵa qoıý, saı­laý­shylarmen ońtaıly ju­mys júr­gize bilý jáne kópshilik al­dynda sóz sóıleý daǵdylaryn qalyp­ta­s­ty­rý, ári partııaishilik máse­le­ler­ge q­atys­ty ózge de suraqtar bo­ıynsha onlaın-semınarlar ót­kizý kózdelgen.

Praımerızdiń túp-tórkini tutastaı eldik múddemen tamyrlas ekendigi de dáleldeýdi qajet et­peıdi. Túıip aıtqanda, Nur Otan par­tııasy qolǵa alǵan tyń tásil saıa­sı uıymdy jańǵyrtý men ju­mysyn odan ári jetildirýdiń bir tutqasyna aınala alatynyna senim bildirgimiz keledi. Osy arqyly elimizdegi jetekshi partııa demokratııa qaǵıdattaryna adaldyq tanytyp, saıası reformany júzege asyrý ústinde naqty da batyl qadam jasap otyr deýge tolyq negiz bar.

AQTО́BE