Jekpe-jek keshin 18-shilde kúni MTK Global kompanııasy uıymdastyrady, dep jazady Egemen.kz.
Aıtýly jarystyń basty jekpe-jeginde kimder judyryqtasatyny belgili bolǵan edi. Sharshy alańda áli eshkimnen jeńilmegen qazaqtyń qos myqtysy – Dáýren Eleýsinov pen Arman Rysbek kúsh synasady.
Búgin taǵy eki boksshymyzdyń sharshy alańda bir-birine qarsy shyǵanytyn belgili boldy. Tursynbaı Qulahmet kásipqoı bokstaǵy birinshi kezdesýin Saǵadat Raqmanqulǵa qarsy ótkizedi.
Áýesqoı boksta 75 keli salmaqta synǵa túsken Qulahmet 2019 jyly Ekaterınbýrg qalasynda ótken álem chempıonatynyń qola júldesin jeńip alsa, Bangkokta ótken Azııa chempıonatynda top jardy.
Al Saǵadat Raqmanqul bolsa kásipqoı boksta alty kezdesý ótkizip, tórteýinde jeńiske jetse, ekeýinde jeńilip qalǵan.