2020 jyldyń 29 maýsymy men 3 shildesi aralyǵynda "Astana" halyqaralyq qarjy ortalyǵynyń uıymdastyrýymen úshinshi ret dástúrli Astana Finance Days mamandandyrylǵan qarjy konferensııasy ótedi. Bul týraly AHQO baspasóz qyzmeti habarlady.
"Qubylmaly álemdegi naryqtar" atalǵan bıylǵy konferensııaǵa álemniń 40-tan astam elinen 10 myńnan astam qatysýshy keledi dep josparlanǵan. Sonymen qatar onlaın ótetin sharaǵa qarjy, ekonomıka, zań jáne ózge de salalardaǵy otandyq jáne sheteldik sarapshylar, saıasatkerler, bıznestiń, memlekettik qyzmet jáne ǵylymı uıymdardyń ókilderi, sonymen qatar "Astana" halyqaralyq qarjy ortalyǵynda tirkelgen kompanııalardyń ókilderinen quralǵan 100-den astam spıker de qatysady.
Qarjy konferensııasy aıasynda "COVID-19 dáýirindegi Beldeý jáne jol bastamasynyń bolashaǵy", "COVID-19 damýshy naryqtardy qalaı kúıretedi?", "Turaqtylyq, táýelsizdik, pandemııadan keıingi ekonomıkalyq tártip: qaryzdar, sıfrlyq tehnologııalar men jergilikti qamtylym kóbeıe me?" taqyryptarynda paneldik sessııalar ótip, onda post-pandemııa kezindegi álem boıynsha áleýmettik-ekonomıkalyq ahýal, damýshy elderdiń jaı-kúıi talqylanady.
Aıta keteıik, bıyl COVID-19 pandemııasynyń asqyrýyna baılanysty dástúrli konferensııa onlaın rejımde ótkizilip otyr. Bes kúndik sharanyń kez kelgen sessııasyn konferensııanyń resmı saıty astanafindays.org saıtyna tirkelip, naqty ýaqytta kóre alasyzdar.