Túrkistan qalasynda pandemııa kezinde áleýmettik kómekti úlestirýge atsalysqan erikti jastarǵa Elbasynyń Alǵys hatyn tapsyrý saltanatty is-sharasy ótti. Marapatty oblys ákimi, Nur Otan partııasy Túrkistan oblystyq fılıalynyń tóraǵasy О́mirzaq Shókeev tapsyrdy, - dep jazady Egemen.kz
Jastardyń elge degen janashyrlyǵyn joǵary baǵalaǵan óńir basshysy Elbasy Nursultan Nazarbaevtyń bastamasymen, Nur Otan partııasynyń úılestirýimen elimizde, onyń ishinde Túrkstan oblysynda "Biz birgemiz" aksııasy joǵary deńgeıde ótip jatqanyn atap ótti. "Igi isti júzege asyrýda erikti jastarymyz elge kómektesti. Karantınde de jumys istedińizder. Eńbekterińizdi Elbasy baǵalap otyr. Otanshyl, memleketshil azamattar ózderińizdeı jalyndy jastardyń arasynan shyǵady", dedi О́.Shókeev.
"Biz birgemiz" aksııasyn júzege asyrýǵa kómektesken Túrkistan oblysy «Jas Otan» jastar qanatynyń 138 eriktisi de Elbasy Alǵys hatymen marapattaldy. Oblystaǵy 40 myńnan astam áleýmettik az qamtylǵan otbasylarǵa kómekti úlestirýge 600-den astam qoǵam belsendisi, eriktiler atsalysty. COVID-19 dertine qarsy kúresti kúsheıtý jáne muqtaj otbasylarǵa kómektesý maqsatynda Elbasy bastamasymen «Birgemiz» respýblıkalyq qory qurylǵany málim. Atalǵan qor arqyly Túrkistan oblysynda 40 myńnan astam otbasyǵa azyq-túlik berilse, Túrkistan men Kentaý qalasyndaǵy 17 myńnan astam otbasy 50 myń teńgeden aldy. «Biz birgemiz" aksııasy arqyly járdem kórsetý belsendiligi men otbasylardy qamtý kórsetkishi boıynsha Nur Otan partııasynyń Túrkistan oblystyq fılıaly respýblıkada ekinshi oryndy ıemdenip otyr.
Aıta ketelik, "Birgemiz" qory esebinen Maqtaaral aýdanyndaǵy topan sýdan zardap shekken Dostyq aýylynyń turǵyndary úshin 20 jańa úıdiń qurylysy júrgizilýde. Oǵan 340 mln teńge bólingen.
Túrkistan oblysy