Elimizde indet beleń alyp, epıdemııalyq ahýaldy turaqtandyrý úshin naqty is-sharalar qolǵa alynyp jatyr. Prezıdent pármenimen Memlekettik komıssııa kóptegen nysandardyń jumys isteýin shekteıtin, azamattardyń toptanyp júrýine tyıym salatyn sheshimder qabyldady. Bul – osyndaı qysyltaıań shaqta óte durys qadam boldy.
Dál qazirgi sátte oqshaýlaný qajet. Úkimet 5 shildeden bastap karantın rejimi engiziletinin aıtty. Úkimet aıtpasa da, halyq eń áýeli óz densaýlyqtary úshin saqtyq sharalaryn qatań ustaýy qajet. Mynadaı jaǵdaı bolyp jatsa da, toıǵa shaqyrýlar alyp júrmin. О́kinishke qaraı, dál qazir toı toılaıtyn kezeń emes. Qýanyshtyń bolǵany jaqsy ǵoı, biraq ony toılaýdy ysyra turǵan jón.
Osyndaı qıyn kezeńde basyn qaterge tigip aldyńǵy shepte qyzmet etip júrgen azamattardyń eńbegin baǵalaýymyz kerek. О́zimniń densaýlyǵym qalypty. Burynnan kóp jaıaý júremin, barynsha durys tamaqtanamyn, ımmýnıtet kóterýge talpynamyz. Qazaqstandyqtardyń densaýlyǵy úshin kúni-túni tynymsyz kómek qolyn sozyp júrgen barsha dárigerge alǵys aıtamyn.
Esen ELEÝKEN,
«Tamasha» telearnasynyń dırektory