Jetisýdyń jaquty – Tekeli qalasynda Ata Zańnyń 25 jyldyǵy men elorda kúnine oraı týtuǵyr ornatyldy. «Jumyspen qamtýdyń jol kartasy-2020» baǵdarlamasy boıynsha júzege asqan 13 jobanyń biri – týtuǵyrdyń ornaýy qala ekonomıkasy órkendeýiniń jańa bir nyshany bolǵandaı.
Kók baıraǵymyzdy kóterý qurmeti qala turǵyny, kıokýshınkaı karateden Azııa jáne Álem chempıony Ásemaı Akrambekke buıyrdy. Bıiktigi 25 metr bolatyn týtuǵyr Tekeli taýlarymen talasa boı kóterip, kósh jerden kóz tartyp, kishi qalanyń kórkine kórik qosyp, kórkem tabıǵatpen jarasyp tur.
Táýelsizdik alańyna ornatylǵan týtuǵyr Tekeli turǵyndarynyń elorda kúnine tartýy boldy. Monoqalanyń halqy budan buryn da uzyndyǵy 38 shaqyrymdy quraıtyn D.Qonaev atyndaǵy kósheni maqtanysh tutqan bolsa, endi oǵan qalanyń kórneki belgisiniń biri bolyp týtuǵyr da qosyldy.