Qatelikti túzeýge qabiletti bolýymyz kerek

Álemde koronavırýs inde­tiniń taralýy azaımaı tur, tipti kóptegen memlekette qaı­ta órship ketti. Bul sózimizge Amerıka, Taıaý Shyǵys, Azııa, Aýstra­lııadaǵy jaǵdaılar dálel. Elimizde de ahýal kúrdelene túskeni belgili. Sol sebepti Qazaqstan Respýb­lıkasynyń Prezıdenti Qasym-Jomart Toqaevtyń úndeýi mańyz­dy ári qajetti qadam boldy.

Tájirıbe kórsetip otyrǵan­daı, koronavırýspen kúres memleket pen halyqtyń ózara áreketin, qoldaýyn, túsinis­tigin, bıznestiń áleýmettik jaýap­kershiligin talap etip otyr.

Bárimizge málim, elimizde koronavırýs faktileri tirkele bastaǵan tusta memleket tótenshe jaǵdaı rejimin engizip, der kezinde qajetti sharalardy qabyldaı bildi. Sonyń nátıjesinde indettiń taralýyn edáýir báseń­dete aldyq. Prezıdent  ha­lyqqa arnaǵan úndeýinde korona­vırýspen aýyrǵandarǵa aýrýhana tósekteriniń 70 %-ǵa deıin kóbeıtilip, 43 myńǵa jet­kenin aıtty. Turǵyndarǵa úı jaǵdaıynda medısınalyq qyzmet kórsetý maqsatynda 400 ámbebap mobıldi brıgada jasaqtalǵanyn jetkizdi. Bul baǵyttaǵy jumystar, álbette, báseńdemeýi shart. Biz medısına júıesin uıymdastyrýda ketken qatelikterdi der kezinde túzetýge qabiletti bolýymyz kerek. Prezıdent osyny eskertti.

Qazir bir-birimizden kiná izdeıtin kez emes. Álemniń birde-bir eli bul indetpen kúresýdiń jolyn tapqan joq. О́zimizdiń jáne jaqyndarymyzdyń qaýip­sizdigi men densaýlyǵyn saqtap, qarapaıym gıgıena, áleýmettik dıstansııa talaptaryn oryndaıyq. Azamattarymyz osy arqyly indetke qarsy kúres­tegi jeńisti qamtamasyz etýge kómektesedi.

Osy tusta bıznestiń áleý­mettik jaýapkershiligin de arttyrý mańyzdy bolyp otyr. Sebebi sońǵy ýaqytta azamattarymyz dárihanalarda dárilerdiń joqtyǵyna, bar bolsa da olardyń baǵalarynyń sharyqtap ketkenine shaǵymdanýda. Buǵan qarsy kesh bol­sa da qatań sharalar qolǵa alynýda.

Koronavırýs bizdiń birli­gimizdi synǵa salýda. Bul indetti de az ýaqytta jeńetinimizge kámil senemin.

Aıgúl QAPBAROVA,

Senat depýtaty