13 shilde Prezıdentimiz Qasym-Jomart Toqaevtyń sheshimimen Aza tutý kúni dep jarııalandy. Rasymen de, bizdiń elimiz ǵana emes, kúlli álem qazir qıyn jaǵdaıda tur.
Qazaq ulttyq óner ýnıversıtetiniń ujymy bolyp biz de indetten kóz jumǵan jandardy aza tuttyq. Oılandyq. Keleshekte atar jarqyn kúnderge úlken úmitpen kóz tiktik. О́ıtkeni bul indet ujymymyz úshin de ońaı tımedi. Ýnıversıtetimizdiń professory, belgili kompozıtor, ańyz tulǵa Keńes Dúısekeev aǵamyzdan aıyrylyp qaldyq. Qapııada ajal tyrnaǵyna iligip, kóz jumyp jatqan atpal azamattar qanshama. Kúnde qaraly habar estip, kóńilimiz ábden jabyrqaýly. Bul Aza tutý kúni búginmen aıaqtalyp, alda elimizdi tek baqytty, qýanyshty kúnder kútsinshi. Burynǵy beıbit ómirimizge qaıta oralyp, emin-erkin sahnaǵa shyǵyp, ónerimizdi tyńdarmandarymyzǵa pash eter jarqyn kúnderge tezirek jetsek eken. Bul jaǵdaı bizge kóp nárseni uǵyndyrdy. О́mirdiń, ýaqyttyń, densaýlyqtyń jáne jalpy janyńda júrgen jaqyn adamdardyń baǵasyn bilip, qadirine jetýge úıretti. Aınalamyzǵa basqasha kózben qaraýǵa úırendik. Árıne muny túsinip, bilý úshin indetpen betpe-bet kelgenimiz ókinishti.
Mendegi tilek – endi mundaı jaǵdaı bolmasynshy. Kúlli adamzat bul dertti jeńip shyǵyp, laıym jer betinde tek jaqsy kúnder, baqytty sátter saltanat qursa eken degen tilegim bar. Bastysy, aýyrmaıyq! Jaqyndarymyz aman bolsyn! Elimiz tynysh, baýyrymyz bútin bolǵaı!
Aıman MUSAQOJAEVA,
Qazaq ulttyq óner ýnıversıtetiniń rektory,
«Qazaqstannyń Eńbek Eri»