Elimiz musylmandary dinı basqarmasynyń oblys boıynsha jurtshylyqpen baılanys bóliminiń ókili Amantaı Toıshybaıulynyń málimetinshe, oblysta 96 meshit bar.
Bul meshitterde 300-den astam adam bar bolsa,ár meshitte 3-4 adamnan turatyn ımam, naıb ımam, molda jáne ustaz sııaqty qyzmetkerler qyzmet jasaýda.
- Indetke baılanysty meshit qyzmetkerleri kómekti kórsetýde. Barlyq meshitter 10 myńnan astam muqtaj jandardy azyq-túlik, kıim-keshek, dári-dármek sııaqty qajetti zattarmen qamtamasyz etýde. Sondaı-aq, indetke qarsy qurban shalynyp, et ónimderi muqtaj adamdarǵa taratylýda, - deıdi Amantaı Toıshybaıuly.
Al, meshitterde qaıyrymdylyq kómek indet bastalǵaly jalǵasýda. Kópbalaly anaǵa Maıqaıyń kentinen 2 bólmeli páter de berildi
Sonymen birge, meshit ımamdary indetten qaıtys bolǵan adamdardy aqtyq saparǵa attandyrý rásimin ótkizýde.
О́kinishke oraı, óńir meshitteri ımamdarynyń da birazy aýyryp, keıbireýi aýrýhanalarda medısınalyq kómek alýda.
Amantaı Toıshybaıuly koronavırýs qurbandaryna arnalǵan Jalpyulttyq aza tutý kúnine baılanysty oblystyń ımamdary bólinip, otyz para qurandy aýdarǵanyn atap ótti.
Qaraly kúnge oraı óńirdiń barlyq meshitterinde túski besin namazynda arnaıy duǵa oqyldy.
Pavlodar oblysy