«Q.Muhamedhanov atyndaǵy Bilim jáne mádenıet ortalyǵy» qoǵamdyq qorynyń uıymdastyrýymen Almaty qalasy Ishki saıasat basqarmasynyń qoldaýymen qazaqtyń aqyn-sazgerleriniń shyǵarmashylyǵynda aıshyqtalǵan keleli oılar men rýhanı qundylyqtardy jas urpaqtyń boıyna sińirýge baǵyttalǵan «Dala daýylpazdary» atty dástúrli án keshi ótti.
«Q.Muhamedhanov atyndaǵy Bilim jáne mádenıet ortalyǵy» qoǵamdyq qorynyń uıymdastyrýymen Almaty qalasy Ishki saıasat basqarmasynyń qoldaýymen qazaqtyń aqyn-sazgerleriniń shyǵarmashylyǵynda aıshyqtalǵan keleli oılar men rýhanı qundylyqtardy jas urpaqtyń boıyna sińirýge baǵyttalǵan «Dala daýylpazdary» atty dástúrli án keshi ótti.
Bul keshte Abaıdyń, Ásettiń, Balýan Sholaqtyń, Estaıdyń ánderi shyrqaldy. Halyq júreginen oryn alǵan «Kózimniń qarasy», «Aıttym sálem Qalamqas», «Injý-marjan», «Ǵalııa», «Qorlan», «Qusnı-Qorlan» ánderindegi ińkár sezim ıirimderi qandaı jaǵdaı bolmasyn adamı qundylyqtardy saqtap qalýǵa jeteleıtini sózsiz.
Saıat Nurǵazın, Erkin Shúkimanov, Ardaq Isataeva, Nurjan Janpeıisov, Talǵat Ábýǵazy, Jankeldi Maıasarov, Dýlat Azatuly, Ernaz Halyqov, Erqanat Kóshenov, Ǵazym Qabdenov, Nurgúl Álqoja, Janqoza Aıapov, Tileýles Qurmanǵalıev, Erkebulan Karıpov, Saılaý Nurbergen syndy kóptegen respýblıkalyq, halyqaralyq saıystardyń laýreattary konserttiń áserli ótýine uıytqy boldy.
Kesh kórermenderi: joǵary oqý oryndary men kolledj stýdentteri, mektep oqýshylary, zeınetkerler men eńbek jáne soǵys ardagerleri ara-arasynda ánshilerge qosylyp, keshtiń qyzyqty ótýine atsalysty. Osynyń bárine qýanasyń. Alaıda, bul rette oılanarlyq jaǵdaılar da joq emes. Osydan biraz buryn jastar arasynda «Qazaq aqyndary men sazgerlerin qanshalyqty bilesiń?» degen saýaldama júrgizgen bolatynbyz. О́kinishke oraı, saýaldamanyń nátıjesi kóńil kónshitpeıdi. Kóptegen jas býyn ókilderi, naqty aıtsaq, saýaldamaǵa qatysqandardyń 80 paıyzy halyq ánderi jóninde eshteńe bilmeıtin bolyp shyqty. Mine, sondyqtan da ulttyq ónerimiz osy ispettes mazmundy keshterde ǵana emes, ár otbasynda, bilim berý oshaqtarynda, qoǵamda únemi nasıhattalyp otyrýy tıis. «Q.Muhamedhanov atyndaǵy Bilim jáne mádenıet ortalyǵy» qoǵamdyq qory jas urpaqty jigeri, rýhy myqty Alash ulany retinde tárbıeleýdi baǵyt-baǵdarynda ustap keledi.
Dına MUHAMEDHAN,
«Q.Muhamedhanov atyndaǵy Bilim jáne mádenıet ortalyǵy» qoǵamdyq qorynyń dırektory.
Almaty.