Burnaǵy kúni túnde Eýropa qurlyǵynda 2014 jylǵy álem chempıonatynyń irikteý týrnıri aıaqtaldy. Osy sońǵy týrda Qazaqstan quramasy Dýblınde Irlandııa komandasymen kezdesti. Match 3:1 esebimen alań ıeleriniń jeńisimen aıaqtaldy.
Burnaǵy kúni túnde Eýropa qurlyǵynda 2014 jylǵy álem chempıonatynyń irikteý týrnıri aıaqtaldy. Osy sońǵy týrda Qazaqstan quramasy Dýblınde Irlandııa komandasymen kezdesti. Match 3:1 esebimen alań ıeleriniń jeńisimen aıaqtaldy.
Munyń aldynda ǵana Farer araldarymen kezdesýde jigersiz oıyn kórsetip, jankúıerlerin jerge qaratqan bizdiń fýtbolshylar bul joly da jan jadyratar oıyn kórsete almady. Olardyń baǵyna qaraı, ırlandııalyqtar da aıryqsha bir belsendilik tanyta qoımady. Osyndaı jaıbaraqat oıynnyń bir sátinde, 13 mınýtta qonaqtar kútpegen jerden birinshi bolyp esep ashyp ketti. Ony ózine týra kelip qalǵan dopty qatty urǵan Dmıtrıı Shomko túsirdi.
Biraq munyń qýanyshy uzaqqa barmady. Arada bar-joǵy úsh mınýt ótkende Aleksandr Kıslısyn óz aıyp alańy ishinde dopty qolymen ustaı aldy. Osyǵan oraı berilgen penaltıdi Robın Kın teýip, dopty qaqpanyń tórinen bir-aq shyǵardy. Sosyn oıyn taǵy da qalypty aqyryn aǵymǵa tústi. Biraq dop kóbine alań ıelerinen shyqpaı turdy. Kenet, 26 mınýtta olar kútpegen jerden taǵy bir gol soǵyp ketti. Aldymen Rıchard Dann soqqy jasady. Ony Sıdelnıkov qaıtardy. Biraq dop shabýylshy O’Shı Djon aıaǵyna dóp kele qaldy. Mundaı qolaıly sátti ırland fýtbolshysy qur jibergen joq. Al kezdesýdiń 78-mınýtynda Shomko endi óz qaqpasyna gol salyp aldy. Osy esep match sońyna deıin ózgergen joq.
Rýslan IGILIK.