Temirtaý qalasynda memlekettik-jeke menshik áriptestik baǵdarlamasy negizinde jumys isteıtin jańa PTR-zerthana ashyldy, – dep habarlaıdy Egemen.kz oblys ákiminiń baspasóz qyzmetine silteme jasap.
Táýligine 1 500 test jasaıtyn bul nysan "Olımp" KDZ men "ArselorMıttal Temirtaý" AQ-nyń birlesip qarjylandyrýynyń arqasynda iske qosyldy. Temirtaýdaǵy juqpaly aýrýlar aýrýhanasynyń ǵımaratynda ornalasqan atalǵan zerthana Reseı, Germanııa, AQSh jáne Qytaıda jasalǵan barlyq qajetti zamanaýı quraldarmen jabdyqtalǵan.
Munda qalanyń stasıonarlary men emhanalarynda alynǵan testiler jiberiletin bolady. Temirtaý qalasynyń ákimdigi men Qaraǵandy oblysynyń densaýlyq saqtaý basqarmasy jobaǵa qoldaý kórsetip, oǵan ǵımarat taýyp berdi.
Oblystyq densaýlyq saqtaý basqarmasynyń basshysy Erjan Nurlybaev búgingi kúrdeli kezeńde PTR-zerthanalarynyń ashylýyn óte mańyzdy sharýa dep atap ótti.
"Memleket basshysynyń tapsyrmasyna sáıkes, biz azamattarymyzdyń barynsha kóp sanyn testileýmen qamtýǵa tyrysamyz. Qyrkúıek aıynda bizdiń oblysta barlyq iri eldi mekenderdi qamtıtyn zerthanalar jelisi qurylatyn bolady", – dedi ol.
Bul nysan bıylǵy jyldyń naýryz aıynan beri Qaraǵandy oblysynda ashylǵan tórtinshi PTR-zerthana. Kelesi zerthana osy jyldyń qyrkúıek aıynda Balqash qalasynda paıdalanýǵa beriledi dep josparlanǵan.