Keshe, 16 qazan kúni Máskeýdiń Izmaılovo aýdanynda pyshaqtan alǵan jaraqattan qaza tapqan ázerbaıjan azamatynyń denesi tabyldy. Bul týraly «Azattyq» radıosy habarlady.
Osymen sońǵy eki kúnniń ishinde azııalyq tıptes ekinshi adam qaza taýyp otyr. Budan bir kún buryn, 15 qazanda Bırıýlevo aýdanynda pyshaqtalǵan 51 jastaǵy О́zbekstan azamatynyń máıiti tabylǵan bolatyn.
О́tken jeksenbide Bırıýlevo aýdanynda júzdegen adam mıgranttarǵa qarsy narazylyq sherýlerine shyqqan edi. Narazylyq tanytýshylar polısııamen qaqtyǵysyp, mıgranttar jumys isteıtin kókónis qoımasyn qıratýǵa áreket jasaǵan.Turǵyndardyń jappaı sherýge shyǵýyna Egor Sherbakov esimdi 25 jasar jergilikti jigittiń kisi qolynan qaza tabýy sebep boldy.
Polıseıler burnaǵy kúni túnde onyń ólimine kúdikti retinde ázerbaıjan Orhan Zeınalovty qamaýǵa aldy.
Sonymen qatar, Bırıýlevo aýdandyq soty kókónis qoımasynyń jumysyn 90 kúnge toqtatty. Qoıma basshylyǵynyń ústilerinen «zańsyz mıgrasııa uıymdastyrdy» degen aıyppen qylmystyq is qozǵaldy. Qoıma basshysy Alıashab Gadjıevke izdeý jarııalandy.
Murat Aıtqoja.