Zańsyz qoqys polıgondary anyqtaldy

Atalǵan jumystardyń aıasynda mınıstrlik ókilderi bas shahardyń mańyndaǵy zańsyz qoqys oryndaryna arnaıy baryp qaıtty. Bul respýblıka kóle­minde júrgiziletin aýqymdy ju­mystyń basy ǵana dep sendirdi jaýap­ty vedomstvodaǵylar. Mun­daı tekserý jumystary bú­kil elde jasalady dep kózdelýde. 

Salalyq organ óńirlerdegi beıbereket qoqys úıindiler jaıly aqparatty jınaý úshin jedel jelini iske qosty. Búginde 250-den astam shaǵym kelip túsken. Onyń kóbi Almaty oblysy (40 shaǵym) men Almaty qalasyna (apta ishin­de 18 habarlama), sol sekildi Aq­tó­be, Aqmola jáne Shyǵys Qazaq­stan oblysyndaryndaǵy turmys­tyq qaldyq úıindilerine qatys­ty. Jedel jelige aqparatty Qa­ra­ǵandy (15), Aqtóbe (14) ob­lys­tar­ynyń, sondaı-aq Al­ma­tynyń (11) turǵyndary kóp bergen.

Taıaýda Twitter-degi paraq­shasynda Ekologııa, geologııa jáne tabıǵı resýrstar mınıstri Maǵzum Myrzaǵalıev bul jelige Qazaqstannyń kez kelgen turǵyny habarlasyp, óz shaharlaryndaǵy nemese aýdandaǵy zańsyz qoqys oryndaryna qatysty derekterdi, sol sekildi foto jáne beınematerıaldardy jibere alatynyn aıtqan edi.

«Sizdermen, sondaı-aq ishki ister departamenti jáne ákimdiktermen birge jaǵdaıdy baqylap, sol jerde shara qabyl­daıtyn bolamyz», dedi jazbada mınıstr. Quzyrly organ bir aı ishinde elimizdegi barlyq qoqys polıgondaryna tolyqtaı monıtorıng júrgizbek.

Ǵaryshtan júrgizilgen baqy­laý arqyly mınıstrlik óńirler­degi úıindilerdi joıýdyń jańa kes­te­sin quryp, ákimdikterge jol­dady. Búginde bulardyń 18-i joıyldy.

Jýyrda ótkizilgen Úkimettiń keńeıtilgen otyrysynda Pre­zıdent Qasym-Jomart Toqaev elimizde ýaqyt ótken saıyn eko­logııalyq problemalar kúrde­lenip bara jatqanyn aıtyp, ony sheshýdiń joldaryn tezdetýdi júktegen-di. Osyǵan baılanysty Úkimetke zańnamalyq bazany ázirlep, Waste to energy (Qaldyqtar energııaǵa) tehnologııasyn engizý úshin qolaıly ınvestısııalyq jaǵdaıdy jaq­sartýdy tapsyrǵan bolatyn.