Astanada qolǵa túsken sýdıa bıznesmennen 750 myń teńge para talap etken. Bul týraly ekonomıkalyq qylmyspen jáne sybaılas jemqorlyqpen kúres agenttiginiń málimetine súıengen Tengrinews.kz habarlady.
«Astana arnaıy aýdanaralyq mamandandyrylǵan sotynyń sýdıasy Abdýlla Kenjaevtyń bir kásipkerden azamattyq is boıynsha ońdy sheshim shyǵaryp bergeni úshin 750 myń teńge aqsha bopsalaǵany týraly túsken shaǵym negizinde júrgizilgen jumystyń nátıjesinde onyń kórsetilgen somanyń bir bóligin alyp jatqan kezinde qolǵa túsirý operasııasy sátti aıaqtaldy», - delingen habarlamada.
Atap ótilgendeı, qazirgi kezde jedel sharalar jalǵasyp jatyr. Ol aıaqtalǵasyn Bas prokýratýraǵa prosessýaldy sheshim shyǵarý úshin usynylady.
Eskerte keteıik, qolǵa túsirý operasııasy keshe, 18 qazan kúni tańerteń arnaıy aýdanaralyq mamandandyrylǵan ekonomıkalyq sottyń ǵımaraty janynda júrgizilgen.
Qurysh Nurymbet.