2013 jylǵy 28 aqpan, Astana qalasyEnergetıkalyq uıym basshylary men mamandaryn attestattaýdan ótkizý qaǵıdasyn bekitý týraly
«Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańynyń 5-babynyń 24) tarmaqshasyna sáıkes buıyramyn:1. Qosa berilip otyrǵan Energetıkalyq uıym basshylary men mamandaryn attestattaýdan ótkizý qaǵıdasy bekitilsin.2. Qazaqstan Respýblıkasy Indýstrııa jáne jańa tehnologııalar mınıstrligi Memlekettik energetıkalyq qadaǵalaý jáne baqylaý komıteti (A. Turlýbek) osy buıryqtyń buqaralyq aqparat quraldarynda resmı jarııalanýyn jáne Qazaqstan Respýblıkasy Ádilet mınıstrliginde memlekettik tirkelýin qamtamasyz etsin.3. Osy buıryqtyń oryndalýyn baqylaý Qazaqstan Respýblıkasy Indýstrııa jáne jańa tehnologııalar vıse-mınıstri B.M. Jaqsalıevke júktelsin.4. Osy buıryq alǵashqy resmı jarııalanǵan kúnnen bastap kúntizbelik on kún ótken soń qoldanysqa engiziledi.
Mınıstrdiń mindetin atqarýshy A.RAÝ.
Qazaqstan Respýblıkasy Indýstrııa jáne jańa tehnologııalar mınıstriniń mindetin atqarýshynyń 2013 jylǵy 28 aqpandaǵy №51 buıryǵymen bekitilgen
Energetıkalyq uıym basshylary men mamandaryn attestattaýdan ótkizý qaǵıdalary
1. Jalpy ereje1. Osy Energetıkalyq uıym basshylary men mamandaryn attestattaýdan ótkizý qaǵıdalary (budan ári – Qaǵıdalar) «Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańynyń 5-babynyń 24) tarmaqshasyna sáıkes ázirlengen jáne energetıkalyq uıym basshylary men mamandaryn attestattaýdan ótkizý tártibimen merzimderin aıqyndaıdy.2. Energetıkalyq uıym basshylary men mamandaryn attestattaý kásibı jáne biliktilik daıarlyq deńgeıin, iskerlik qasıetin aıqyndaý, biliktilik sanattaryn (razrıadtaryn) belgileý boıynsha merzimdi júzege asyrylatyn rásim.3. Attestattaýǵa energetıkalyq uıymdardyń barlyq basshylary men mamandary jatady.4. Energetıkalyq uıym basshylary men mamandary energetıkalyq uıymdarynda keıingi úsh jyl ótken soń, biraq osy laýazymǵa ornalasqan kúnnen bastap alty aıdan erte emes, attestattaýdan ótedi. Attestattaý nátıjeleri ony ótken sátten bastap úsh jyl boıy jaramdy.Bala kútimine baılanysty demalysta otyrǵan energetıkalyq uıym basshylary men mamandary qyzmetke shyqqannan soń alty aıdan keıin attestattaýdan ótedi.Energetıkalyq uıym mamandary (budan ári – mamandar) energetıkalyq uıymda attestattaýdan ótedi. Energetıkalyq uıym basshylary (budan ári – basshylar) memlekettik energetıkalyq qadaǵalaý boıynsha memlekettik organda (budan ári – MEQ) attestattaýdan ótedi.
Energetıkalyq uıym basshylary men mamandaryn attestattaýdan ótkizý tártibi5. Attestattaý ózine mynadaı kezeńderdi qamtıdy:1) elektr energetıkasy, laýazymdyq mindetter, qaipsizdik tehnıkasy jáne jabdyqty paıdalaný salasyndaǵy normatıvtik quqyqtyq aktiler men normatıvtik tehnıkalyq qujattardy bilýine, elektr energetıkasy salasyndaǵy kásibı bilimdi paıdalanýyna baılanysty attestatalýǵa jatatyn energetıkalyq uıym basshylary men mamandaryn testileý;2) energetıkalyq uıymnyń attestattaý komıssııasymen ótkiziletin mamandarmen áńgimelesý, MEQ komıssııasymen ótkiziletin basshylarmen áńgimelesý;3) tıisti attestattaý komıssııasynyń sheshimderin shyǵarý.6. Energetıkalyq uıymdar aǵymdaǵy kúntizbelik jyldyń 15 qańtaryna deıin MEQ-qa attestattaýǵa jatatyn birinshi basshylar (bas dırektor jáne onyń orynbasarlarynyń, prezıdent jáne vıse-prezıdenttiń, basqarma tóraǵasy men onyń orynbasarlarynyń, bas ınjenerler men eńbekti qorǵaý jáne qaýipsizdik tehnıkasy jónindegi qyzmet bastyqtarynyń) tizimin usynady.7. MEQ basshysy energetıkalyq uıym usynǵan aqparat negizinde attestattaýǵa jatatyn tulǵalar tizimi bekitilgen, attestattaýdy ótkizý merzimderi jáne attestattaý komıssııasynyń quramy, sondaı-aq onyń jumys kestesi belgilengen buıryqty shyǵarady. 8. Energetıkalyq uıymnyń kadrlar bólimshesi mamandarǵa atestattaýdy ótkizý merzimderi týraly, ony ótkizý bastalǵanǵa deıin kúntizbelik jıyrma kúnnen keshiktirmeı jazbasha habarlaıdy. Attestattaýdy ótkizý merzimderi týraly MEQ basshylarǵa ony ótkizý bastalǵanǵa deıin kúntizbelik jıyrma kúnnen keshiktirmeı jazbasha habarlaıdy. Osy Qaǵıdalardyń 9-tarmaǵynda kórsetilgen qujattar jıyntyǵy basshylar men mamandarǵa habarlamany alǵan kúnnen bastap kúntizbelik on kún ishinde usynylady.9. Attestattaýǵa usynylatyn qujattar tizbesi:1) erkin nysandaǵy attestattaý týraly ótinish;2) osy Qaǵıdalarǵa 1-qosymshaǵa sáıkes nysan boıynsha mamannyń qyzmettik minezdemesi (mamandar úshin);3) attestattalýshy tulǵanyń jeke basyn kýálandyratyn qujat kóshirmesi;4) bilimi týraly qujattyń kóshirmesi;5) biliktiligin arttyrý kýrsynan ótýin kýálandyratyn qujattyń kóshirmesi (eger bar bolǵan jaǵdaıda);6) eńbek kitapshasynyń kóshirmesi (basshylar úshin).Mamandar qujattar jıyntyǵyn tigilgen jáne nómirlengen túrde energetıkalyq uıymnyń kadrlar bólimshesine tapsyrady. Basshylar qujattar jıyntyǵyn tigilgen jáne nómirlengen túrde MEQ-qa tapsyrady.10. Testileý avtomattandyrylǵan kompıýterlik tásilmen nemese qaǵaz tasyǵyshta attestattalýshynyń tańdaýy boıynsha memlekettik nemese orys tilderinde júrgiziledi. Basshylar úshin test suraqtarynyń sany 120 suraqty quraıdy. Mamandar úshin test suraqtarynyń sany 100 suraqty quraıdy. Testileý ýaqyty 2 saǵatty quraıdy. Basshylarǵa arnalǵan test suraqtary MEQ-men ázirleıdi jáne bekitedi. Mamandarǵa arnalǵan test suraqtaryn energetıkalyq uıym basshysy bekitedi. Test suraqtary úsh jylda bir ret jańartylyp otyrady. Testileý nátıjelerin oń dep taný úshin negizdeme bolyp tabylatyn durys jaýaptardyń shekti deńgeıi testterde qamtylǵan suraqtar sanynan mamandar úshin 75%-dy, basshylar úshin 85%-dy quraıdy. Energetıkalyq uıym birinshi basshysynyń nemese ony aýystyratyn tulǵanyń móri jáne qoly qoıylǵan mamandardy testileýdiń qorytyndy nátıjeleri attestattalýshylarǵa beriledi.11. Testileýdiń qanaǵattanarlyqsyz nátıjesi kezinde tıisti attestattaý komıssııasy hattamany resimdeıdi jáne birinshi testileýdi ótkizgen kúnnen bastap eki aptadan erte emes jáne bir aıdan keshiktirmeıtin merzimde qaıta testileýdi taǵaıyndaıdy. Qaıta testileý bir retten artyq bolmaıdy.12. Qaıta testileýdi ótkizý merzimderi týraly tıisti attestattaý komıssııasy attestattalýshyǵa ony ótkizý bastalǵanǵa deıin 3 jumys kúninen keshiktirmeı habarlaıdy. Basshymen nemese mamanmen testileýdiń teris nátıjeleri qaıta alynǵan jaǵdaıda, tıisti attestattaý komıssııasy osy Qaǵıdalardyń 15-tarmaǵynyń 3) tarmaqshasynda kózdelgen sheshimdi qabyldaıdy.13. Basshylar nemese mamandar testileýdiń oń nátıjesin alǵannan keıin tıisti attestattaý komıssııasy otyrysynda áńgimelesýdi ótkizedi.14. Dáleldi sebeptermen (attestattalýshy tulǵanyń jeke qatysýyna múmkindik bermegen eńbek qabilettiligin joǵaltýǵa baılanysty aýrý, jaqyn týysynyń qaıtys bolýy nemese qatty aýyrýy, qyzmettik issapar, eńbek demalysy, áskerı jıyndarda bolýy) attestattaýda bolmaǵan attestattalýshy tulǵa attestattaýdy tıisti attestattaý komıssııasymen aıqyndalǵan merzimde jumysqa shyqqannan keıin ótedi.Dálelsiz sebeptermen attestattaýǵa kelmegen attestattalýshy tulǵa attestattalmaǵan dep tanylady.15. Tıisti attestattaý komıssııasy usynylǵan materıaldardy zerdelep, attestattalýshy tulǵamen áńgimelesý ótkizip, mynadaı sheshimderdiń birin qabyldaıdy:1) attestattaldy;2) qaıta attestattaýǵa jatady;3) attestattalǵan joq.16. Qaıta attestattaý osy Qaǵıdalarmen aıqyndalǵan tártippen alǵashqy attestattaý ótkizilgen kúnnen bastap alty aıdan keıingi ótkiziledi.17. Tıisti attestattaý komıssııasy qaıta áńgimelesý qorytyndysy boıynsha myna sheshimderdiń birin qabyldaıdy:1) attestattaldy;2) attestattalǵan joq.18. Tıisti attestattaý komıssııasynyń sheshimi úsh jumys kúni ishinde otyrysqa qatysqan komıssııa músheleriniń jáne hatshynyń qoly qoıylǵan hattamamen resimdeledi.19. Tıisti attestattaý komıssııasynyń sheshimi osy Qaǵıdalardyń 2-qosymshasyna sáıkes attestattaý paraǵyna shyǵarylady.Attestattaý paraǵy eki danada qurastyrylady, bireýi basshyǵa/mamanǵa beriledi, ekinshisi MEQ-te nemese energetıkalyq uıymda qalady. Attestattaý paraǵy attestattalýshyǵa attestattaý ótkizilgennen keıingi úsh jumys kúniniń ishinde beriledi.
3. Attestattaý komıssııasy20. Energetıkalyq uıymnyń attestattaý komıssııasy jáne MEQ attestattaý komıssııasy tóraǵadan, hatshydan jáne onyń múshelerinen turady. Attestattaý komıssııasy músheleriniń sany – taq, hatshynyń daýys berýge quqyǵy joq. Qatyspaǵan múshelerdiń ornyn aýystyrýǵa jol berilmeıdi.21. Attestattaý komıssııasynyń tóraǵasy birinshi basshy nemese ony aýystyratyn tulǵa.Attestattaý komıssııasynyń hatshysy, onyń jumysyn uıymdastarýshylyq qamtamasyz etýdi júzege asyratyn, kadr qyzmetiniń ókili bolyp tabylady.Attestattaý komıssııasynyń jumys kestesi birinshi basshymen nemese ony aýystyratyn tulǵamen bekitiledi.22. Energetıkalyq uıymnyń attestattaý komıssııasynyń quramy, sondaı-aq MEQ-te birinshi basshymen nemese ony aýystyratyn tulǵamen bekitiledi.23. Energetıkalyq uıym attestattaý komıssııasynyń quramyna bólimshe basshylary, kadr jáne zańnyń qyzmetteriniń ókilderi kiredi. MEQ attestattaý komıssııasynyń quramyna tóraǵa nemese ony aýystyratyn tulǵa, sondaı-aq basqarma bastyqtary kiredi.24. Tıisti attestattaý komıssııasynyń sheshimi ashyq daýys berý arqyly qabyldanady jáne attestattaý komıssııasy músheleri otyrysyna qatysýshylar sanynan kópshilik daýys bergen jaǵdaıda qabyldandy dep esepteledi. Daýystar teń bolǵan jaǵdaıda, attestattaý komıssııasynyń tóraǵasy daýys bergen sheshim qabyldandy dep esepteledi.25. Energetıkalyq uıym attestattaý komıssııasynyń otyrysy oǵan qatysýshylar quramynyń keminde úshten ekisi qatysqan jaǵdaıda zańdy dep esepteledi.
4. Attestattaý komıssııasy sheshimine shaǵym berý26. Tıisti attestattaý komıssııasynyń sheshimine Qazaqstan Respýblıkasynyń zańnamasymen belgilengen tártipte shaǵym berýge bolady.
Energetıkalyq uıym basshylary men mamandaryn attestattaýdan ótkizý qaǵıdalaryna 1-qosymshaNysanAttestattalýǵa jatatyn mamannyń qyzmettik minezdemesi (energetıkalyq uıym mamanynyń tikeleı basshysymen toltyrylady) Mamannyń T.A.Á __________________________________________________Laýazymy_________________________________________________________Taǵaıyndalǵan kúni __________________________________ 1. Laýazymdyq mindetterdi atqarýy (sheshiminde maman qatysqan negizgi máseleler tizbesi keltiriledi; qyzmettik mindetterdi atqarý tıimdiligi jáne adaldyǵy, shyǵarmashylyq bastamashylyǵy jáne taǵy basqalar baǵalanady)2. Elektr energetıkasy, qaýipsizdik tehnıkasy jáne jabdyqty paıdalaný salasyndaǵy normatıvtik tehnıkalyq jáne normatıvtik quqyqtyq aktilerdi bilýi, elektr energetıkasy salasyndaǵy kásiptik bilimdi paıdalaný.3. Jeke qasıetteri (energetıkalyq uıym mamanynyń jeke qasıetteri sıpattalady: til tabysqyshtyǵy, ujymda jumys isteý qabileti, ózin-ózi jetildirý qabileti, kóshbasshylyq jáne basqalar).4. Maman qyzmetine qorytyndy baǵa berý (tikeleı basshysynyń maman týraly pikiri kórsetiledi: atqaratyn qyzmetine sáıkes keledi nemese sáıkes kelmeıdi, joǵary turǵan nemese tómen turǵan laýazymǵa usynylýy múmkin jáne basqalar).5. О́zge málimetter.*_____________________________________________________________________ Basshy laýazymy–––––––––––––––––––––––––––––––––––––––––––––––––––––––––––––––––––––Basshynyń T.A.Á
Kúni 20_ jylǵy «__»____________
*Eskertpe: qyzmettik minezdemege energetıkalyq uıym mamany basshysynyń ereksheligin eskere otyryp, tolyqtyrýlar engiziledi.
Energetıkalyq uıym basshylary men mamandaryn attestattaýdan ótkizý qaǵıdalaryna 2-qosymsha NysanAttestattaý paraǵy––––––––––––––––––––––––––––––––––––––––––––––––––––––––attestattalýshy tulǵanyń tegi, aty, ákesiniń aty
Týǵan jyly 19__ jyl «__»____________________
Bilimi____________________________________________________________
Mamandyǵy_______________________________________________________
Attestattaý kezindegi atqaratyn qyzmeti_________________________
Testileý nátıjeleri________________________________________________
О́zge málimetter __________________________________________________
___________________________________ ___________Attestattaý komıssııasy tóraǵasynyń TAÁ qoly___________________________________________ ______________Attestattaý komıssııasy hatshysynyń TAÁ qoly
Attestattaýdy ótkizý kúni 20___ jylǵy «___»______
Attestattaý paraǵymen tanystym______________________________ (attestattalýshy tulǵanyń qoly, kúni)
MO*Eskerpe: attestattaý paraǵyna energetıkalyq uıym qyzmetiniń ereksheligin eskere otyryp, tolyqtyrýlar engiziledi.
Buıryq Qazaqstan Respýblıkasynyń Ádilet mınıstrliginde 2013 jylǵy 26 naýryzda Normatıvtik quqyqtyq kesimderdi memlekettik tirkeýdiń tizilimine №8389 bolyp engizildi.