Úndistannyń soltústigindegi Ýttar-Pradesh shtaty Azamgarh okrýginde 37 adam qoldan jasalǵan ishimdikten ýlanyp qaza tapty. Bul týraly ITAR-TASS habarlady.
Ýttar-Pradesh shtatynyń bas mınıstri Akshılesh Iаdav osy oqıǵaǵa baılanysty on adamdy qyzmetinen bosatýǵa sheshim qabyldady. Onyń ishinde taýardyń sapasyn tekserýmen aınalysatyn birneshe sheneýnik pen saýda oryndarynda tekserý júrgizetin polısııa qyzmetkerleri bar.
Dı-en-eı gazetiniń aqpary boıynsha, qoldan jasalǵan ishimdik jergilikti sharap satatyn dúkenderde kólemdi mólsherde satylǵan.
О́tken jyldyń jeltoqsan aıynda Úndistannyń Batys Bengalııa shtatynda 100-den asa adam metıl spırtinen ýlanyp qaza tapqan bolatyn.
Aıdar О́risbaev.