Tegin dári-dármek kimge tıesili?

Úıde emdelýshilerge bes mindetti dári satyp alynady

Densaýlyq saqtaý vıse-mı­nıstri Lıýdmıla Bıýrabekova «SQ-Farmasııa» bazasynda qor qa­lyptastyrý barysynda kúz-qys aılaryndaǵy jedel respı­ratorlyq vırýstyq ınfeksııa (JRVI) sııaqty vırýstyq aýrýlarmen qatar koronavırýs ınfeksııasyna shaldyǵý boljamy esepke alynatynyn atap ótti.

Al «SQ-Farmasııa» JShS Bas­qarma tóraǵasy Erhat Esqa­lıev ambýlatorııalyq dári-dár­mekter qatarynda qandaı dári­lerdiń satyp alynatynyn aıtty.

«Kóptegen jaǵdaıda aýrý je­ńil nemese ortasha aýyrlyqta júredi, biraq medısınalyq qol­daýdy qajet etedi. Densaýlyq saq­taý mınıstrligi koronavırýs­ty dıagnostıkalaý jáne emdeý hattamasyna ambýlatorııalyq deńgeıde emdelip jatqan pasıentterge arnalǵan negizgi bes preparatty engizýdi maquldady. Bul tizimge qabynýǵa qarsy pa­ra­setamol men ıbýprofen pre­parattary, rıvaroksaban, apıksaban jáne dabıgatran antıkoagýlıanttary kiredi. Qazir sa­typ alý rásimderi aıaqtalýda. Oǵan 8,6 mlrd teńge jumsalady. Den­saýlyq saqtaý mınıstrliginiń bol­jamy boıynsha bul qor 1 mln naýqasty qamtamasyz etýge jetkilikti», dedi ol.

Koronavırýs indetin emdeý­ge keıbir dárilerdiń tegin be­riletinin jetkizgen L.Bıýra­be­kova: «Koronavırýs ınfeksııa­syn dıagnostıkalaý jáne emdeý hattamasyna ózgertýler engizildi. Ázirleýshilerge bul sanattaǵy pasıentterdi tegin ambýlatorlyq dári-dármekpen, onyń ishinde qazir Ksarelto degen saýda ataýy bar «Rıvaroksaban» preparatymen qamtamasyz etý usynyldy. Sonymen qatar otandyq óndirý­shilerdiń balamasy da tirkeldi. Ony biryńǵaı dıstrıbıýtor satyp alady. 10 tamyzda te­gin berý úshin medısınalyq uıym­darǵa jetkiziledi», dedi.

Koronavırýsqa qarsy vaksınalaý jaıyna da toqtalǵan vıse-mınıstr eń aldymen ekpe qant dıabeti, arterııalyq gıpertonııa, júrektiń ıshemııalyq aýrýlary bar kisilerge salynatynyn atap ótti.

«Qazir Densaýlyq saqtaý mı­nıstrligi Syrtqy ister mınıs­trligimen birlesip, Dúnıejúzilik densaýlyq saqtaý uıymymen COVID-19-ǵa qarsy vaksına sa­typ alý týraly kelisim ja­saý máselesin pysyqtaýda. Tek bir­neshe óndirýshi ǵana klını­kalyq synaqtardyń úshinshi kezeńine shyqty. Sondaı-aq biz vaksınalaý qajet adamdardyń tizimin usyndyq. Qazir bul shamamen 15 paıyzdy qurap otyr, biraq kelisimde biz olardyń sanyn 20 paıyzǵa deıin artty­rýdy josparlap otyrmyz. Iаǵnı oǵan sozylmaly aýrýla­ry bar qaýipti toptar jatady. Bizdiń sta­tıstıka men taldaý nátı­jesi kórsetkendeı, qant dıa­be­ti, arterııalyq gıperto­nııa, júrektiń ıshemııalyq aýrý­larynyń asqynýy pnevmonııa túrinde kórinedi. Eń aldymen, biz pasıentterdiń osy toptaryna nazar aýdaramyz. Kelisim jasaý boıynsha barlyq prosedýradan ótip, vaksınalaýǵa arnalǵan kórsetkishter naqty anyqtalǵannan keıin biz satyp alý prosesine kirisemiz. Barlyq qajetti esepteý júrgizilip jatyr», dedi L.Bıýrabekova.

Maska baǵasy 60 teńgege deıin arzandaýy múmkin

Brıfıngte maska máselesi de sóz boldy. Vıse-mınıstr jeke qorǵanysh zattaryn, maskalardy shyǵaratyn otandyq óndirýshiler bolǵanymen, ımportqa táýeldi ekenimizdi jetkizdi.

«Biz syrttan, onyń ishinde Qytaıdan ákelinetin shıkizatqa táýeldi bolyp otyrmyz. Tótenshe jaǵdaıǵa baılanysty alǵashqy kezde shıkizat qoljetimdi bolmady. Otandyq óndirýshilerimiz ózderiniń uzaqmerzimdi kelisim­sharttary aıasynda medısına qyzmetkerlerin qamtamasyz etý úshin jumys istedi. Negizinde memleket medısınalyq maska baǵasyn rettemeıdi. Tótenshe jaǵ­daı re­jimi kezinde shekti ba­ǵany bekitý týraly sheshimdi memlekettik komıssııa naryqty turaqtandyrý úshin qabyldady. Esterińizde bolsa, sol ýaqytta keıbir adamdardyń alaıaqtyq áreketteri áshkerelendi. Son­dyqtan osyndaı sheshim qabyl­danyp, maska baǵasy 118 teńge bolyp bekitildi. Naryq ashylyp, shıkizat paıda bolǵannan keıin de maska qymbattaýyn toqtatpady. Far­masevtıka ónerkásibin qa­da­ǵa­laıtyn Indýstrııa jáne ın­fra­­qurylymdyq damý mınıs­­trliginiń bizge usynǵan málimet­terine sáıkes, shıkizat 20-25 ese qymbattaǵan. Sondyqtan mas­­ka baǵasy burynǵy 15 teńge deń­­geıine túspeıdi. Qazirgi ýa­qyt­ta óndirýshilerimizben mas­ka ba­ǵasyn tómendetý úshin kelissóz júrgizip jatyrmyz. Taıaý ýaqytta maska baǵasy 60 teńgege deıin arzandap qa­lýy múmkin», dedi vıse-mınıstr.

Al «SQ-Farmasııa» basshysy­nyń aıtýynsha, koronavırýsty emdeýge arnalǵan gýmanıtarlyq júkterdi óńirlerge jetkizý tezdegen. Iаǵnı júkter bir kúnniń ishin­de dittegen jerine jetip jatyr.

«Gýmanıtarlyq júkter­ge qa­tysty aldyn ala aqparattan­dyrý engizdik. Búginde sertıfıkattaý qujattaryn ǵana suraı­myz jáne ony onlaın alamyz. Ushaq kelip qonǵan kezde júkti rásimdeýge jáne bólýge qajetti qujattar tolyq qolymyzda bolady. Biz bul júkti bógemeı, bir kúnniń ishinde jolaı ketip ba­ra jatqan kóliktermen óńir­lerge jiberemiz. Qazirgi ýaqyt­ta kesheýildeý joq. Osy re­jimde gýmanıtarlyq júk­terdi esh­qan­daı problemasyz jiberýge tyrysamyz», dedi Erhat Esqalıev.