Arbıgen aýylynyń halqy toqyraý jyldary qurylysy aıaqtalmaı qalǵan mádenıet úıin apa-atalar, aǵaıyn-týys, kórshi-qolań, bala-shaǵa bolyp osy kúnge deıin saqtap keldi. Bireýler buzyp alyp ketpesin dep aýyldyń úlken-kishisi bar kúni-túni kádimgideı kúzetti. Sóıtip júrgende, «Aýyl jyldary baǵdarlamasy» da ótti. Oblystyq «Aq bulaq» baǵdarlamasy tipti Arbıgen aýyly jaqqa burylǵan da joq. Bul jaıynda biz de gazetimizde birneshe ret jazyp, sol kezdegi ákimderge qulaqqaǵys etken bolatynbyz.
Arbıgen aýylynyń halqy toqyraý jyldary qurylysy aıaqtalmaı qalǵan mádenıet úıin apa-atalar, aǵaıyn-týys, kórshi-qolań, bala-shaǵa bolyp osy kúnge deıin saqtap keldi. Bireýler buzyp alyp ketpesin dep aýyldyń úlken-kishisi bar kúni-túni kádimgideı kúzetti. Sóıtip júrgende, «Aýyl jyldary baǵdarlamasy» da ótti. Oblystyq «Aq bulaq» baǵdarlamasy tipti Arbıgen aýyly jaqqa burylǵan da joq. Bul jaıynda biz de gazetimizde birneshe ret jazyp, sol kezdegi ákimderge qulaqqaǵys etken bolatynbyz.
Byltyr aýyl aqsaqaly, ardager ustaz Qorǵan Ashataıuly oblys ákimi Erlan Arynǵa mádenıet úıiniń jaı-kúıin aıtyp, ótinishin jetkizdi. Atamyz kezinde Dinmuhamed Qonaevqa da aýyl halqy atynan ótinish jazyp, Arbıgenge qazaq mektebin saldyrǵan edi. Oblysqa da, aýdanǵa da talaı ákim keldi, ketti. Qorǵan aqsaqal olardyń bárine de aryz-ótinish jazýdan jalyqpady. О́zge ákimder júre tyńdaǵan aýyldyń ótinishi bul joly jerde qalmady. E.Aryn aıtqan ýádesinde turdy. Oblystyq bıýdjetten qarjy bólindi. Qurylysy aıaqtalmaı, aýyl ortasynda bos turǵan mádenıet úıiniń jóndeý jumystaryn oblys ortalyǵyndaǵy «Azia LTD – Pavlodar» seriktestigi júrgizdi. Al qazir aýylda aýyldyqtar ózderi bir kirpishin de buzdyrmaı saqtap qalǵan ásem záýlim ǵımarat paıda boldy. Mádenıet úıinde kitaphana, medısınalyq bólimshe ornalasty.
– Oıpyrym-aı! Úmit úzbeı talaı jyl kúttik-aý. El men jerdiń bir shetin saqtap, aýylda el otyrǵanyn keıbir basshylardyń umytyp ketetini janǵa batty. Aýyl – qazaqtyń besigi. Mádenıet úıin tonatpaı, kúni-túni kúzetip júrgenimiz de sol, aýyldy saqtap qalý. Men Erlan Arynǵa sendim. Aýyl yrza. Mádenıet úıi ashylǵan kúni ózi kelip, kitaphanaǵa aqyn-jazýshylardyń 200 kitabyn syıǵa tartty, – deıdi Q.Ashataıuly.
Al aýyl jaǵdaıy jaqsy, mal jetedi, dastarqany mol. Serikbaı Dáýitov basqaratyn «Aıan» sharýa qojalyǵy asyl tuqymdy qara mal ósiredi. Sharýashylyq «Sybaǵa» baǵdarlamasynyń kómegimen 8 mıllıon teńge nesıege sıyr satyp alypty. Qazir 60 bas maly bar. Aıtpaqshy, aýyldaǵy dárigerlik bólimshe buryn dáriger Qýanysh Qaıyrbaevtyń úıinde bolypty. Ol Ekibastuzdyń medısınalyq kolledjin bitirgen jas maman retinde «Dıplommen – aýylǵa!» baǵdarlamasy boıynsha osy aýylǵa kelipti.
Bul kúnderi aýdan ortalyǵynda turǵyndar Arbıgen aýylyndaǵy mádenıet úıi sııaqty talaı jyldar boıy kútip júrgen 300 oqýshyǵa arnalǵan qazaq mektebiniń qurylysy júrgizilýde.
Farıda BYQAI,
«Egemen Qazaqstan».
Pavlodar oblysy,
Sharbaqty aýdany.