Beırýtte jaǵdaı turaqtalar emes

170-ke jýyq adamnyń ómirin jalmap, 600 adam zardap shekken 4 tamyzdaǵy jary­lys lıvandyqtardyń kópten bergi úkimetke narazylyǵyn ashyq bildi­rýge sebep boldy. Olar ile-shala eldiń syrt­qy ister mınıstrligin basyp almaq bolyp, ǵımaratqa shabýyl jasady. Shama­men 10 myń adam narazylyq aksııa­syna qatysyp, halyq japa shekken aýdan­dar­dan bastap, astananyń ortalyq alań­y­na deıin jetti. Quqyq qorǵaý organ­dary­nyń qyzmetkerlerimen qaqtyǵys ta kóp kúttirmedi. Polısııaǵa tas, aǵash laq­ty­ryp, buzaqylyqqa bardy. Al polısııa ý­­ly gaz ben qarýly jaýap berdi. Búginde mańyzdy ǵımarattardyń aldynda kúzet tur. Úkimet ǵımaraty qorshalǵan.

Prezıdent Mıshel Aýn Beırýt por­tyna kelgen sheteldik tergeýshilerden tabylǵan aqparattyń barlyǵyn ashyq jarııalaýyn surady. BUU Lıvanǵa kómekke 565 mln AQSh dollaryn bólgen. Qarajat jarylystan japa shekken port halqyna jumsalýy tıis. Uıym esebine súıensek, qaladaǵy 20 aýrýhana, 120 mektep qıraǵan. BUU gýmanıtarlyq koor­dı­natory Nıjat Rochdı «Qulaǵan mektep­ter men aýrýhanalardy qalpyna kel­tir­gimiz keledi», dedi. Tergeý jumystaryna FBI agentteri de tartylǵan. Jergilikti kásipkerler úkimetke senbeıtinin aıtýda. Olardyń oıynsha, máselege syrtqy kúshterdi aralastyrsa, naqty sebep málim bolmaq.

Apat qoımada 2014 jyldan beri saq­ta­lyp kele jatqan selıtranyń jary­lýynan bolǵan. Úkimet buǵan jaýap­tylardy tabýǵa sóz bergen-di. Japa shek­ken aýdandardy aralamaq bolǵan mınıstr­lerdi halyq qýyp shyqty. Senbide úkimet basshysy Hassan Dıab málimdeme jasap, jarylystyń jemqorlyq sal­dary­nan bolǵanyn habarlady. Tipti máseleniń sheshimi kezekten tys saılaýda ekenin de jetkizdi.

Halyqaralyq qyzyl krest qoǵamynyń esebine súıensek, narazylyq aksııasy kezinde 230 adam jaraqat alǵan. Al BAQ japa shekkenderdiń sany 500-den asa­tynyn habarlaıdy. Apat sebebin anyqtaý isi jalǵasyp jatyr. Memleket prezıdenti Mıshel Aýn syrtqy kúshterdiń qatysy bar-joǵyn anyqtaý qajettigin aıtty.