Keıingi kezderi ártúrli aýrýlardyń paıda bolýy men ımmýnıtettiń álsizdigi organızmge ártúrli makro-mıkronýtrıentterdiń jetkiliksizdigi tikeleı baılanysty ekendigin zertteýler dáleldep otyr. Al oqshaýlanǵan adamdardyń tamaqtaný jaǵdaıy óz erkimen tańdaý múmkindigi bolmaǵandyqtan,erkindiktegilerge qaraǵanda shektelgen, dep habarlaıdy Egemen.kz
Degenmen de,sottalǵandardyń tamaqtanýy QR Úkimetiniń 28.11.2014 jylǵy №1255 qaýlysymen júzege asady.ZK-169/1 mekemesindegi Tylmen qamtamasyz etý toby men aspazshylar, osy qaýlyǵa saı jumys atqaryp keledi. Mekemeniń arnaıy ǵımaratynda ornalasqan ashana 9 bólmeden turady.
Ishi qajetti barlyq jabdyqtarmen qamtamasyz etilgen,tap-taza,barlyq sanıtarlyq-epıdemıologııalyq normalar saqtalǵan. Osy mekemede eki jyldan beri Aısha Júnisqyzy aspazshy bolyp jumys jasaıdy.Onyń jumys kúni, kúndelikti tańerteń 8.30-dan bastalady.
Mekemeniń ashana meńgerýshisi Qaırat ekeýi ashana aýmaǵynyń tazalyǵyn qarap shyǵyp,kúndelikti as máziri boıynsha,azyq-túlikterdiń jetkiliktigine qadaǵalap shyǵady.Kúnine úsh mezgil 200-ge jýyq janǵa as-sý daıyndaý ońaı emes,sondyqtan sharýashylyq bólimine qaldyrylǵan,aspazdyq óneri bar úsh azamattyń kómegine júginýge týra keledi.Munda meniń kómekshim bolyp jumys jasaıtyn Nurjan jáne Maqsat esimdi jazasyn óteýshiler óte epti,ári isine uqypty,jaýapkershilikpen qaraıdy.
Aýmınov Qaırattyń aıtýy boıynsha,tamaqtaný rasıony,kúndelikti as mázirine sáıkes daıyndalady.Erteńgilik asqa botqa túrleri,jumyrtqa berilse,túski asqa mindetti túrde,ystyq kúıdegi suıyq jáne qoıý taǵam beriledi.As máziriniń quramy, qys,jaz aılaryna qaraı jańalanyp,ózgerip turady.Jazda jeńil túrdegi,biraq aǵzaǵa paıdaly dárýmenderge toly kókónis kóbirek paıdalansa,qysta keneýli,toıymdy taǵamdar beriledi. Jáne de,aǵzaǵa qajetti balyq,sút taǵamdary da,jıi berilip turady.Dıetalyq mázir tıimdi tamaqtanýdyń esebinen fızıologııalyq normalardyń negizinde qurylady.
Jetkizilýshilerden ónimderdi satyp alý konkýrstyq negizde júzege asyrylady.Azyq-túlik taýarlary sapaly sertıfıkattarmen keledi.Osylaısha,tergeý mekemesindegi sottalǵandar,kúndelikti balǵyn kókónis,azyq-túlikpen qamtamasyz etilip,daıyndalǵan dámdi as negizinde,talap normalaryna saı tamaqtanyp júr.