«Janýarlar – meniń dostarym!»

Konkýrsty uıymdastyrý­shylardyń maqsaty – adam­zattyń sanasyna oı salyp, janýarlarǵa degen qatigezdik pen qorshaǵan ortaǵa nem­qu­raıly qaramaýdy bala kezden boıǵa sińirý. Baıqaý dittegen maqsatyna jetti dese bolady. Týyndymen birge esse jazyp jibergen jas sýretshiler, úlkenderdi ań aýlaýdy doǵaryp, tabıǵatty aıalaýǵa shaqyrdy.

– Bul kóz – halyq kózi. Ta­­bıǵattyń lastanyp bara jat­­qa­nyn kórip turǵan eldiń kóz ja­sy. Ár adam óz eliniń kórkeıýine úles qosýy qajet. Tabıǵatty qorǵaý – paryz. Keı adamdar ony túsinbeıdi, tú­singisi de kelmeıdi. Aınalany lastap, densaýlyqqa zııan ákelýde. Búkil halyq bolyp ekologııany, qorshaǵan ortany tazartýǵa tyryssaq, aýa taza bolar edi. Ár senbi saıy­n senbilikke shyq­saq, kóktem mezgilinde butaq otyrǵyzsaq, óz qoqysymyzdy ár jerge emes, qoqys jáshigine laq­tyrsaq je­rimiz de qaldyqqa tolmas edi. Sol sebepti tabıǵatty qor­ǵaýǵa shaqyramyn, – deıdi 11 jasar atyraýlyq Rýslan Djab­barov.

1 sáýirde bastaý alǵan baı­qaýǵa Qazaqstannyń túkpir-túkpirinen 4 myńnan astam bala qatysty. Jeńimpazdar tórt jas toby boıynsha marapattalady. Uıymdastyrýshylar onlaın marapattyń erekshe bolatynyn alǵa tartady. Bas júldemen qatar, barlyq qatysýshyǵa arnalǵan syılyq bar.

– Janýarlardy qorǵaý ta­qyryby qazir óte ózekti. Osynsha bala atsalysyp, taqy­rypty asha bilgeni qýantady. Keıbir týyndylar qatty tań­ǵaldyrdy, tipti ony bala saldy degenge senbeısiń. Nege de­seńiz, sýretter sapaly jáne onda tereń oı jatyr, – deıdi qazylar alqasynyń múshesi, BUU qorshaǵan ortany qorǵaý baǵdarlamasynyń qyzmetkeri Oljas Atymtaev.

Qazylar múshesiniń qura­mynda Qazaqstannyń kór­kemóner akademııasynyń aka­demıgi, grafık, ıllıýstra­sııalaýshy Býbe Nellı, T.Júr­genov atyndaǵy Qazaq ulttyq óner akademııasy Beıneleý óneriniń tarıhy men teorııasy kafedrasynyń professory Olga Batýrına, Qazaqstan Respýblıkasyndaǵy BUU Ǵa­lam­dyq kommýnıkasııa de­par­tamentiniń jetekshisi Vlas­tımıl Samek, eko-belsendi, balalar men jasóspirimder festıvaliniń kýratory, «Ba­lalar álemdi beıneleıdi» qo­ǵamdyq qorynyń dırektory Móldir Bekjan bar.

Konkýrs Qazaqstan Prezı­dentiniń qamqorlyǵymen BUU qorshaǵan ortany qor­ǵaý baǵdarlamasynyń Dúnıe­júzilik qorshaǵan ortany qor­ǵaý kúni aıasynda Bilim jáne ǵylym mınıstrligi, Mádenıet jáne sport mınıstrliginiń qoldaýymen, «Balalar álemdi beıneleıdi» qoǵamdyq qory, bas seriktes «Edu Stream» kompanııasynyń jáne «Teh­nodom» men «Nastoıashıı Býra­tıno» seriktesteriniń qaty­sýymen ótedi.

Jas sýretshilerdiń týyndylarymen www.alembala.kz jáne www.drmfund.com siltemeden tanysa alasyzdar.