Jýyrda beınekonferensııa rejiminde Qazaqstannyń Caýda jáne ıntegrasııa vıse-mınıstri Q.Tórebaevtyń jáne Ýkraınanyń Ekonomıka, saýda jáne aýyl sharýashylyǵyn damytý mınıstriniń orynbasary T.Kachkanyń teń tóraǵalyq etýimen, sondaı-aq eki eldiń múddeli memlekettik organdary men uıymdarynyń qatysýymen Qazaqstan men Ýkraına arasyndaǵy taýar aınalymyn ulǵaıtý jónindegi jumys tobynyń 2-otyrysy ótti.
Otyrysta taraptar alǵashqy operasııalyq tujyrymdardyń oryndalý barysy týraly aqparatty tyńdady, sondaı-aq iske asyrylýy ózara saýda kóleminiń ulǵaıýyna oń áser etýi tıis negizgi is-sharalar kórinis tapqan 2-otyrystyń operasııalyq qorytyndylary talqylandy jáne kelisildi.
Budan basqa taraptar covid-19 pandemııasynyń taýarlardyń eki jaqty saýdasyna áseri jáne saýda-ekonomıkalyq yntymaqtastyqty jandandyrýdyń yqtımal joldary máselelerine egjeı-tegjeıli toqtaldy, sondaı-aq ónerkásip jáne aýyl sharýashylyǵy, Transkaspıı halyqaralyq kólik baǵytyn paıdalana otyryp, júkterdi tranzıttik tasymaldaýdy damytý jáne eki jaqty saýdada saýdany qorǵaý quraldaryn paıdalaný salasyndaǵy yntymaqtastyqtyń perspektıvalaryn talqylady.
2019 jyldyń qorytyndysy boıynsha elder arasyndaǵy ózara saýda kólemi 7,4%-ǵa tómendep, 1,3 mlrd dollardy qurady.
2020 jyldyń alty aıynda Qazaqstan men Ýkraına arasyndaǵy ózara saýda 398 mln dollardy qurady, bul 2019 jyldyń uqsas kezeńine qaraǵanda 36,7%-ǵa tómen (629,1 mln dollar). Bul rette, Qazaqstannan Ýkraınaǵa eksport kólemi 51,2%-ǵa tómendep, 225,3 mln dollardy qurady jáne Ýkraınadan ımporttyń 3,3%-ǵa (172,7 mln dollar) óskeni baıqala- dy.
Búginde Qazaqstan óńdelgen taýarlardy Ýkraına naryǵyna jetkizýdi arttyrýy múmkin, bul metallýrgııa, munaı-hımııa, tamaq, hımııa, mashına jasaý salalary ónimderiniń 70-ke jýyq túri, sondaı-aq jalpy somasy 349,5 mln dollar bolatyn qurylys materıaldary. Atalǵan tizim Ýkraına tarapyna dıplomatııalyq arnalar arqyly jiberiledi.